„მნიშვნელოვანია, წინასაარჩევნო პერიოდი იყოს ძალადობისგან და დაშინებისგან თავისუფალი“, - ამის შესახებ  ევროპისა და ევრაზიის საკითხებში აშშ-ის სახელმწიფო მდივნის  თანაშემწის მოადგილე  ბრიჯიტ ბრინკმა საქართველო-აშშ-ის სტრატეგიული პარტნიორობის ქარტიის კომისიის დემოკრატიისა და მმართველობის სამუშაო ჯგუფის შეხვედრის შემდეგ განაცხადა.

მისი თქმით, საქართველოს ევროატლანტიკური გზა მედიაში აზრთა სხვადასხვაობის შენარჩუნებას ეფუძნება.

ბრიჯიტ ბრინკმა „რუსთავი 2“-ის საქმეზე  და  სასამართლო სისტემის მნიშვნელობაზეც  ისაუბრა.

„ჩვენი გზავნილი ნათელია, ჩვენ მხარს ვუჭერთ საქართველოს ევროატლანტიკური ინტეგრაციის მისწარფებებს, ამ თვალსაზრისით მნიშვნელოვანი იქნება ოქტომბრის არჩევნები როგორც საქართველოს დიდი ხნის მეგობრებმა, აღვნიშნეთ წინასაარჩევნო პერიოდის მნიშვნელობა, რომელიც თავისუფალია ძალადობისა და დაშინებისგან. მთავრობის უმთავრესი მოვალეობაა ამ შედეგის უზრუნველყოფა. შევამჩნიეთ, რომ    კვლავ აქტუალურია „რუსთავი 2“-ის საქმე. საქართველოს ევროატლანტიკური გზა ეფუძნება მედიაში აზრთა სხვადასხვაობის შენარჩუნებას. ჩვენ ხაზი გავუსვით დამოუკიდებელი სასამართლო სისტემის მნიშვნელობას ძლიერი დემოკრატიის განვითარებისთვის და მხარი დავუჭირეთ სასამართლო რეფორმის მესამე  ფაზაზე გადასვლას. ჩვენ ვაფასებთ საქართველოს პრემიერის, გიორგი კვირიკაშვილის კონსტრუქციულ მიდგომას და ტონს წინასაარჩევნო პერიოდში და მის მოწოდებას, რომ პოლიციამ უზრუნველყოს წესრიგი, განსაკუთრებით კი რეგიონებში. ჩვენი დელეგაცია საქართველოს დემოკრატიული რეფორმების დიდი ხნის მხარდამჭერია“,-განაცხადა ბრინკმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს