საქართველოს საგარეო საქმეთა მინისტრი მიხეილ ჯანელიძე ევროკავშირის ქვეყნების საგარეო საქმეთა მინისტრების საბჭოს გადაწყვეტილებას ეხმაურება.

ჯანელიძე გუშინდელი შეხვედრის შედეგს მიესალმება და ამბობს, რომ ევროკავშირის წევრი ქვეყნები საქართველოს მოსახლეობის მხარდაჭერით გატარებულ ყველა რეფორმას აფასებენ.  მისივე თქმით, ევროკავშირი ცალსახად აღნიშნავს, რომ საქართველო  ვიზალიბერალიზაციის მიღებას  რაც შეიძლება  მალე იმსახურებს.

"ევროკავშირის წევრი ქვეყნების  საგარეო საქმეთა მინისტრები  შეიკრიბნენ და იმსჯელეს სხვადასხვა საკითხებზე, მათ  შორის საქართველოსთან ვიზალიბერალიზაციის საკითხზე. ეს არის ევროკავშირის საბჭოს ძალიან  მნიშვნელოვანი შემადგენლობა, რომელიც მსჯელობს პოლიტიკური მნიშვნელობის საკითხებზე.
ქალბატონმა ფედერიკა მოგერინმა აღნიშნა, რომ საქართველომ ყველა ვალდებულება ძალიან წარმატებით შეასრულა და ყველა სახელმწიფო ამბობს, რომს აქართველოს მიმართ კითხვები არ არსებობს და შესაბამისად, გადაწყვეტილება მიღებული უნა იქნას მალე. ეს არის ძალიან მნიშვნელოვანი ნაბიჯი, რომელიც ამ განხილვების პროცესში გადაიდგა. ასევე გამოქვეყნდა მოხსენება  საქართველოს ვიზალიბერალიზაციის საკითხზე, ევროპის პარლამენტში მომხსენებლის მიერ. იქ მითითებულია  რეკომენდაცია, რომ საქართველოს ვიზალიბერალიზაციის საკითხზე ევროკავშირის პარლამენტმა გადაწყვეტილება უნდა მიიღოს პირველი მოსმენით და ასევე მასში აღწერილია საქართველოს მიღწევები",-განაცხადა მიხეილ ჯანელიძემ.

ვროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში ფედერიკა მოგერინიმ ლუქსემბურგში, ევროკავშირის წევრი ქვეყნების საგარეო საქმეთა მინისტრების შეხვედრის შემდეგ გამართულ პრესკონფერენციაზე განაცხადა, რომ ევროკავშირის საგარეო საქმეთა მინისტრებმა საქართველოსთვის ვიზალიბერალიზაციის დაწესებას მხარი ერთხმად დაუჭირეს.

მისი განმარტებით, ევროკავშირის ყველა წევრმა ქვეყანამ ნათლად დაადასტურა, რომ უდავოდ, საქართველომ ყველა პირობა შეასრულა:

„ჩვენ განვიხილეთ საქართველოსთვის ვიზალბიერალიზაციის დაწესების საკითხი ევროკავშირ-საქართველოს ურთიერთობის ჭრილში. ევროკავშირის ყველა წევრმა ქვეყანამ ნათლად დაადასტურა, რომ უდავოდ, საქართველომ შეასრულა ყველა პირობა“, -  განაცხადა მოგერინიმ.

მისივე განცხადებით, ნიდერლანდებმა, როგორც თავმჯდომარე ქვეყანამ, საქართველოსთვის ვიზალიბერალიზაციის დაწესების საკითხი ევროკავშირის მუდმივ წარმომადგენელთა კომიტეტის უახლოესი სხდომის დღის წესრიგში უნდა შეიტანოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა