საქართველოს საგარეო საქმეთა მინისტრი მიხეილ ჯანელიძე  ევროპისა და ევრაზიის საკითხებში აშშ-ის სახელმწიფო მდივნის თანაშემწის მოადგილეს ბრიჯიტ ბრინკს და აშშ-ს მხრიდან აშშ-საქართველოს სტრატეგიული პარტნიორობის ქარტიის კომისიის დემოკრატიისა და მმართველობის სამუშაო ჯგუფის თანათავმჯდომარეებს შეხვდა.

საგარეო უწყების ინფორმაციით, მხარეებმა საქართველოში დემოკრატიის კუთხით მიმდინარე რეფორმებსა და დემოკრატიული ინსტიტუტების გაძლიერების მნიშვნელობაზე ისაუბრეს  . ამერიკული მხარე მიესალმა საქართველოს მიერ დემოკრატიისა და კარგი მმართველობის სფეროებში განხორციელებულ რეფორმებსა და მიღწეულ პროგრესს.    

მხარეებმა მიმოიხილეს საქართველოს მთავრობის მიერ გადადგმული ნაბიჯები  თავისუფალი, გამჭირვალე და სამართლიანი საპარლამენტო არჩევნების ჩატარების მნიშვნელობისა და ქვეყანაში მშვიდი და სტაბილური წინასაარჩევნო გარემოს უზრუნველყოფის კუთხით.

ყურადღება გამახვილდა ამერიკის შეერთებული შტატების მხარდაჭერის მნიშვნელობაზე როგორც ქვეყნის განვითარების, ისე ევროპული და ევროატლანტიკური ინტეგრაციის კონტექსტში.

შეხვედრას ქართული მხრიდან ესწრებოდნენ საგარეო საქმეთა მინისტრის მოადგილეები დავით ზალკალიანი და დავით დონდუა, ხოლო აშშ-ს მხრიდან - დემოკრატიის, ადამიანის უფლებებისა და შრომის საკითხებში აშშ-ის სახელმწიფო მდივნის თანაშემწის მოადგილე რობერტ ბერშინსკი, აშშ-ის საერთაშორისო განვითარების სააგენტოს (USAID) ადმინისტრატორის თანაშემწე ტომას მელია, აშშ-ის სახელმწიფო დეპარტამენტის ევროპასა და ევრაზიაში აშშ-ს დახმარების კოორდინატორი ალინა რომანოვსკი და აშშ-ის იუსტიციის დეპარტამენტის უცხო ქვეყნების საპროკურორო საქმიანობის განვითარების დახმარებისა და ტრენინგის ოფისის ევრაზიის რეგიონული დირექტორი ქეთრინ ნიუკომბი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა