2016-06-09 16:12:06, 585 ნახვა
პოლიტიკა
ივანიშვილი რეგიონებში შეხვედრების გამართვას 1 სექტემბრიდან გეგმავს
საქართველოს ყოფილი პრემიერ-მინისტრი ბიძინა ივანიშვილი რეგიონებში შეხვედრების გამართავს პირველი სექტემბრიდან გეგმავს, - ამის შესახებ ივანიშვილმა ჟურნალისტებს განუცხადა.
მისივე თქმით, შეხვედრები სავარაუდოდ კვირაში 2-ჯერ გაიმართება.
„რეგიონებში გასვლა ჯერ დაზუსტებული არ მაქვს, მაგრამ ყველაზე ადრე პირველი სექტემბრიდან იქნება. პირობითად ვფიქრობ, კვირაში ორი შეხვედრა გავაკეთო, ორშაბათს და ხუთშაბათს, რომ მოვასწრო ათივე რეგიონში წასვლა. თბილისშიც მომიწევს ერთი ან ორი სატელევიზიო გამოსვლა, თუ შეხვედრა აქტივთან”, - განაცხადა ივანიშვილმა
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
