ენერგეტიკის თემაზე მიმდინარე საერთაშორისო ფორუმზე „ნაციონალური მოძრაობის“ წევრმა გიორგი კანდელაკმა, პრემიერ-მინისტრ გიორგი კვირიკაშვილს კითხვა დაუსვა.

კანდელაკის თქმით, პრემიერმა საკუთარ გამოსვლაში ძალიან ოპტიმისტური სურათი დახატა მაშინ, როდესაც ქვეყანაში ენერგეტიკაში უცხოური ინვესტიციების მოცულობა გასულ წლებთან შედარებით შემცირებულია.

ამასთან, კანდელაკმა პრემიერს სთხოვა, კონფერენციის მონაწილეებისთვის „გაზპრომთან“ დაკავშირებით განახლებული ინფორმაცია მიეწოდებინა.

საპასუხოდ, გიორგი კვირიკაშვილმა განაცხადა, რომ „გაზპრომთან“ მხოლოდ ტექნიკური მოლაპარაკებები მიმდინარეობდა, საბოლოოდ კი, ხელისუფლებამ ხელშეკრულება უკეთესი პირობებით აზერბაიჯანულ „სოკართან“ გააფორმა, რაც საქართველოსთვის დამატებითი მოცულობის ბუნებრივი აირის მიწოდებას ითვალისწინებს.

პრემიერის თქმით, აზერბაიჯანი საქართველოს ნომერ პირველ სტრატეგიულ პარტნიორად რჩება.

„სამწუხაროდ, უნდა გამოვიყენო ტერმინი, პოლიტიკური სპეკულაციები იყო ეს ყველაფერი. „გაზპრომთან“ დაკავშირებით, ეს არ არის სწორი. ჩვენ ვრჩებით სტრატეგიულ პარტნიორად აზერბაიჯანთან, შევავსეთ გარღვევა, რომელიც გვქონდა ბუნებრივი აირის მოთხოვნაზე. შეიძლება თამამად ვთქვათ, რომ რუსეთზე მძიმედ დამოკიდებული არ ვართ“, - განაცხადა გიორგი კვირიკაშვილმა.

მან კანდელაკის კითხვიდან გამომდინარე ასევე რუსულ პროპაგანდაზეც ისაუბრა და აღნიშნა, რომ ეს მნიშვნელოვანი გამოწვევაა. თუმცა, პრემიერის თქმით, სკეპტიციზმი საქართველოს რუსეთზე შესაძლო დამოკიდებულებაზე ენერგომატარებლების მიწოდების თვალსაზრისით, არასწორია.

„რუსული პროპაგანდა მნიშვნელოვანი გამოწვევაა. ის ვრცელდება საქართველოშიც, თუმცა ჩვენ მოვახერხეთ, რომ გვქონდეს მხარდაჭერა ევროატლანტიკურ ინტერესებთან დაკავშირებით და საქართველოს მოსახლეობის 80%-ზე მეტი მხარს უჭერს ევროპულ და ევროატლანტიკურ ინტეგრაციას. რუსულ ინვესტიციებს, შემოდინებებს ენერგომატარებლებთან დაკავშირებით წარსულში უფრო მეტად ჰქონდა ადგილი“, - განაცხადა გიორგი კვირიკაშვილმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა