„საქართველო ევროპის აღმოსავლეთ კარიბჭეა,  რომელიც მას  აზიასთან  აკავშირებს. სწორედ ესაა  ის დამატებითი ღირებულება, რომელსაც საქართველო ევროპის ქვეყნებს  სთავაზობს", - ამის შესახებ საქართველოს საგარეო საქმეთა მინისტრმა მიხეილ ჯანელიძემ ავსტრიის ევროპის, ინტეგრაციისა და საგარეო საქმეთა ფედერალურ მინისტრთან სებასტიან კურცთან შეხვედრის შემდეგ განაცხადა.

ჯანელიძის თქმით, საქართველო ამაყობს იმით, რომ პოლიტიკურ ურთიერთობასთან ერთად, საქართველოსა და ავსტრიას შორის ეკონომიკური თანამშრომლობაც დინამიურად ვითარდება.

„ავსტრია  მნიშვნელოვან ინვესტიციებს ახორციელებს საქართველოში, მაგრამ კაპიტალთან ერთად, ავსტრიულ კომპანიებს საქართველოში  ხარისხი და პროფესიონალიზმი შემოაქვთ. საქართველოსთან ურთიერთობით კი მათ  სამხრეთ კავკასიასთან, შუა აზიასთან და შორეულ აღმოსავლეთთან კავშირების დამყარების შესაძლებლობა ეძლევათ", - განაცხადა მიხეილ ჯანელიძემ.

მინისტრმა  ევროკავშირთან უვიზო მიმოსვლის შემოღების მნიშვნელობაზეც ისაუბრა და იმედი გამოთქვა, რომ  საქართველო მიიღებს უვიზო რეჟიმს, როგორც რეგიონში დემოკრატიული გარდაქმნების ლიდერი ქვეყანა, რომელმაც შეასრულა ყველა ვალდებულება, რაც  მას ევროპის საიმედო პარტნიორად აქცევს.

მიხეილ ჯანელიძემ მადლობა გადაუხადა ავსტრიის მთავრობას საქართველოს სუვერენიტეტისა და ტერიტორიული მთლიანობის, ასევე  ევრო-ატლანტიკური მისწრაფებების მტკიცე მხარდაჭერისთვის და იმედი გამოთქვა, რომ ეუთოში ავსტრიის თავმჯდომარეობის პერიოდში, ორ ქვეყანას ევროპული უსაფრთხოების საკითხებზე ერთობლივი მუშაობის შესაძლებლობა მიეცემა, რაც განსაკუთრებულ მნიშვნელობას იძენს იმ ფონზე, რომ „საქართველოს ოკუპირებული ტერიტორიები არა მხოლოდ ერთი ქვეყნის, არამედ მთელი ევროპის უსაფრთხოებისთვის უდიდეს გამოწვევად რჩება".

საქართველოს საგარეო საქმეთა მინისტრი მიხეილ ჯანელიძე ავსტრიას 2016 წლის 1-3 ივნისს ეწვია. ვენაში მან შეხვედრები გამართა ეუთო-ში და ავსტრიის აღმასრულებელი ხელისუფლების წარმომადგენლებთან. მინისტრმა ასევე მონაწილეობა მიიღო საქართველო-ავსტრიის ბიზნეს ფორუმში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება

ყატარში, მსოფლიოში უდიდეს თხევადი ბუნებრივი აირის წარმოების ცენტრში აფეთქება მოხდა, 54 ადამიანი დაშავდა

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი