ჩვენ არ ვადასტურებთ ინფორმაციას, რომ ოთხოზორიას მკვლელობაში ბრალდებული დაკავებულია, - ამის შესახებ სახელმწიფო უსაფრთხოებისა სამსახურის ხელმძღვანელმა ვახტანგ გომელაურმა ჟურნალისტებს განუცხადა.

გომელაურის თქმით, ოთხოზორიას მკვლელობასთან დაკავშირებით, გამოძიება სამხედრო პოლიციამაც დაიწყო.

"თავიდან გავრცელდა ინფორმაცია, რომ ოთხოზორიას მკვლელი დაკავებულია, თუმცა ჩვენ ეს ინფორმაცია არ დავადასტურეთ. არ გამოვრიცხავ, რომ ოთხოზორიას მკვლელობაში ბრალდებული პიროვნება დაკითხეს და მერე გაათავისუფლეს. გამოძიება სამხედრო პოლიციას აქვს დაწყებული. დაკავების ფაქტი სამხედრო პოლიციამაც უარყო", - განაცხადა გომელაურმა. 

ჟურნალისტის კითხვაზე იმყოფებოდნენ თუ არა ინციდენტის დროს სუს-ის თანამშრომლები ადგილზე, ვახტანგ გომელაურმა აღნიშნა, რომ სახელმწიფო უსაფრთხოების სამსახურის თანამშრომლები ადგილზე არ იმყოფებოდნენ.

მისივე თქმით, ადგილზე არც შსს-ს თანამშრომლები იმყოფებოდნენ.

"ის ზონა აფხაზური ბლოკ-საგუშაგოდან 30 მეტრშია, აქედან გამომდინარე იქ ჩვენი მოძრაობა საფრთხის შემცველია. ამას ალიანსის წევრი ქვეყნების გვირჩევენ. უდანაშაულო ადამიანი მოკლეს. ეს პრობლემა არ არის 1 და 2 წლის, უკვე 10 წელზე მეტია ამ პრობლემას ვებრძვით", - განაცხადა გომელაურმა.

ცნობისთვის, ვახტანგ გომელაური დღეს უშიშროების საბჭოს დაესწრება.

შეგახსენებთ, რომ 19 მაისს ზუგდიდის რაიონ სოფელ ხურჩაში ე.წ. ადმინისტრაციულ საზღვართან, „მესაზღვრეებმა“ საქართველოს მოქალაქე გიგა ოთხოზორია მოკლეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია