დღეს საქართველოს იუსტიციის მინისტრსა და ვენეციის კომისიის მომხესენებლს შორის ვიდეო კონფერენცია გაიმართა.  თეა წულუკიანმა და ჰერი გშთოლმა საკონსტიტუციო სასამართლოს შესახებ ორგანულ კანონში პარლამენტის მიერ შეტანილი ცვლილებები განიხილეს.

„მუხლობრივი განხილვისას ჩვენ ვისაუბრეთ პარლამენტისა და იუსტიციის სამინისტროს, როგორც პარლამენტის წინაშე მთავრობის წარმომადგენლის, არგუმენტებსა და პოზიციებზე. ძალიან მნიშვნელოვანია, რომ ამ რეფორმაში, როგორც წინასწარ უკვე ჩანს, ვენეციის კომისია მოიწონებს იმას, რომ საკონსტიტუციო სასამართლოს მოსამართლეების მანდატი უნდა იყოს 10 წელი და არც ერთი დღე მეტი, როგორც ეს წერია საქართველოს კონსტიტუციაში.

ვენეციის კომისია, როგორც ჩანს, მოიწონებს იმასაც, რომ პრეზიდენტი, პარლამენტის თავმჯდომარე და უზენაესი სასამართლოს თავმჯდომარე არ უნდა იყვნენ ჩართული საკონსტიტუციო სასამართლოს თავმჯდომარეობის კანდიდატის დანიშვნაში. შესაბამისად, მიმდინარე წლის ოქტომბერში, ჩვენ პირველად გვეყოლება საკონსტიტუციო სასამართლოს მოსამართლეების მიერ ყოველგვარი გარე ჩარევის გარეშე არჩეული საკონსტიტუციო სასამართლოს თავმჯდომარე. კვორუმის თემას რაც შეეხება, ჩვენ მათ ჩვენი არგუმენტები გავუზიარეთ და ავუხსენით, რომ ბუნებრივია, კანონი, რომელსაც 76 ხმით იღებს პარლამენტი 3 ან 4 ადამიანის შესაჩერებელი ან გასაუქმებელი არ უნდა იყოს. 2/3 ხმების უმრავლესობა არაერთ ევროპულ საკონსტიტუციო სასამართლოში მოქმედებს და ჩვენ ამ საკითხზე კვლევაც ჩავატარეთ, რასაც ვენეციის კომისიას ელექტრონულად გადავუგზავნით",  - განაცხადა თეა წულუკიანმა.

მისივე თქმით,  გარდა ამისა,  ვენეციის კომისია სრულად იზიარებს, რომ საკონსტიტუციო სასამართლოში საქმეები ელექტრონულად განაწილდება, გაუმჯობესდება საკონსტიტუციო სასამართლოს გადაწყვეტილებების გამოქვეყნებისა და ხელმოწერის წესები და სხვ. 

„საუბრისას მომხსენებელმა დამიდასტურა, რომ ეკა ბესელიასა და გიორგი აბაშიშვილის მიერ, 2016 წლის 20 მაისს გადაგზავნილი კანონპროექტების შესახებ ვენეციის კომისიის პირველადი დასკვნა 27 მაისს გამოქვეყნდება, რადგან პრეზიდენტის ადმინისტრაციამ 10 დღიან ვადაში მოითხოვა დასკვნის შედგენა. თუმცა, როგორც ვენეციის კომისიასთან დღეს შეთანხმდა, საქართველოს მთავრობა 27 მაისს გამოქვეყნებული დასკვნის არსებითად განხილვაში ან/და გადასინჯვაში მის საბოლოოდ დამტკიცებამდე, 10-11 ივნისს, ვენეციის კომისიის პლენარული სხდომისას კვლავ ჩაერთვება, თუკი ჩათვლის, რომ გამოქვეყნებული პირველადი დასკვნა შინაარსობრივ ცდომილებებს შეიცავს“, - განაცხადა მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია