ვფიქრობ, რომ დღეს უკვე ვართ კომიკურ სიტუაციასში, როდესაც ყველამ ვიცით ვინ იყო ჩართული კანონდარღვევაში, მაგრამ მათი დაკავება ჯერ-ჯერობით არ მომხდარა, - ასე გამოეხმაურა „საერთაშორისო გამჭვირვალობა - საქართველოს“ თავმჯდომარე ეკა გიგაური კორცხელში მომხდარ ინციდენტს.

მისივე განცხადებით, კარგია, რომ რამდნეიმე დღის შემდეგ, მოხდა იმ პირების დაკითხვა.

"კარგია, რომ რამდენიმე დღეში, ამ პირების დაკითხვა მაინც მოხდა, თუმცა მნიშვნელოვანია, სახელმწიფოს ასეთ ინციდენტებზე მყისიერი რეაგირება ჰქონდეს. როდესაც ჩვენ გვექნება არჩევნები და საარჩევნო უბნები, ჩვენ გვინდა სახელმწიფოს მხრიდან ასეთ ინციდენტებთან დაკავშირებით სწრაფ რეაგირებას ვხედავდეთ", - განაცხადა გიგაურმა.

 გიგაურის თქმით, გამოძიება უნდა ჩატარდეს რაც შეიძლება სწრაფად და ხარისხიანად. თუმცა მისივე განცხადებით, მნიშვნელოვანია ჟურნალისტებისთვის ხელის შეშლის ფაქტიც გამოიძიოს.

"გამოძიებამ უნდა დაადგინოს თუ ვინ არის მართალი. ერთი მნიშვნელოვანი ინციდენტი, რომელზეც გამოძიება არ მუშაობს არის ჟურნალისტებისთვის ხელის შეშლა. ეს არის დანაშაული და გამოძიებამ ამ ნაწილში უნდა იაქტიუროს", - განაცხადა გიგაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია