2016-05-25 16:59:30, 571 ნახვა
პოლიტიკა
ნოდარ ხადური სსფ-ის ახლო აღმოსავლეთისა და ცენტრალური აზიის დეპარტამენტის ხელმძღვანელს მასუდ აჰმედს შეხვდა
საერთაშორისო სავალუტო ფონდის რეგიონული კონფერენციის ფარგლებში, საქართველოს ფინანსთა მინისტრი ნოდარ ხადური სსფ-ის ახლო აღმოსავლეთისა და ცენტრალური აზიის დეპარტამენტის ხელმძღვანელს, მასუდ აჰმედს შეხვდა.
ფინანსთა სამინისტროს ინფორმაციით, შეხვედრაზე განიხილეს საქართველოში საერთაშორისო სავალუტო ფონდის მისიის მუშაობის საკითხები, ასევე საქართველოს ეკონომიკური მდგომარეობა, მონეტარული და ფისკალური ინსტრუმენტების ურთიერთქმედება, საგადასახადო და ინსტიტუციური რეფორმების მიმდინარეობა.
შეხვედრას საქართველოს საგანგებო და სრულუფლებიანი ელჩი ყაზახეთის რესპუბლიკაში ზურაბ პატარაძე ესწრებოდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
