"სახელფასო განაკვეთები განისაზღვრება სამუშაო დროით, შესრულების ხარისხით და კადრის კომპეტენციით" - ნათქვამია "საზოგადოებრივი მაუწყებლის" მიერ გავრცელებულ განცხადებაში.

მათივე ინფორმაციით,  შესაბამის სამსახურს დავალებული აქვს,  სახელფასო რანგირების სისტემა ახალი ორგანიზაციული სტრუქტურის მიხედვით შეიმუშაოს.

"18 მაისს საზოგადოებრივი მაუწყებლის თანამშრომლების ნაწილმა არასათანადო სამუშაო პირობების და არათანაბარი ანაზღაურების თაობაზე პროტესტი ტელევიზიის შენობის კიბეზე ჩატარებული პრესკონფერენციით გამოხატა.

აღნიშნული საკითხები თანამშრომლების მიერ არაერთხელ იყო დაყენებული მენეჯმენტთან გამართულ შეხვედრებზე, რის შედეგადაც მიმდინარეობს ინტენსიური მუშაობა რამდენიმე მიმართულებით. ყველა ეს საკითხი, თავის მხრივ, 
არის მაუწყებლის რეფორმირების გეგმის ნაწილი.

შეგახსენებთ, რომ საზოგადოებრივი მაუწყებლის ახალი მენეჯმენტი, რომელიც შედგება რამდენიმე ძირითადი მმართველი ბლოკის დირექტორებისგან და წარმოადგენს აღმასრულებელ საბჭოს, 6 თვის წინ შეუდგა მუშაობას, რაც ძალიან მცირე დროა იმისთვის, რომ ყველა საკითხი მოგვარებული იყოს.

უპირველეს ყოვლისა, გვინდა აღვნიშნოთ, რომ შესაბამის სამსახურს დავალებული აქვს ახალი ორგანიზაციული სტრუქტურის მიხედვით შეიმუშაოს სახელფასო რანგირების სისტემა, აღნიშნულ პროცესს წინ უსწრებდა სამუშაო აღწერილობების შექმნა 
შესაბამისი თანამდებობრივი სარგოს განსაზღვრის წესის შესამუშავებლად. რანგირების პროცესის დასასრულს შრომის ანაზღაურება ახალი საკადრო პოლიტიკით დარეგულირდება.  

თითოეულ თანამდებობაზე სახელფასო განაკვეთები განისაზღვრება სამუშაო დროით, შესრულების ხარისხით და კადრის კომპეტენციით, ასევე შრომის ბაზარზე არსებული მდგომარეობის გათვალისწინებით. 
აღნიშნული პროცესი, ფაქტობრივად, დასრულებულია და სისტემა  უახლოეს მომავალში დაინერგება.

საზოგადოებრივი მაუწყებლის მენეჯმენტი თვლის, რომ აღნიშნული საკითხების განხილვა უფრო პროდუქტიული იქნება ერთობლივად და არა დაპირისპირების რეჟიმში. 
პროტესტის ასეთი ფორმით გამოხატვა, ვფიქრობთ, იყო უდროო, რადგან ორგანიზაციის ფარგლებში საკითხის მოგვარების  არსებული რესურსი არ არის ამოწურული და როგორც უკვე აღვნიშნეთ, სახელფასო რეფორმა დასრულების ეტაპზეა.

ორგანიზაციის მენეჯმენტი აბსოლუტურად ღიაა ყველა თანამშრომლის მოსაზრების მოსასმენად და მიესალმება რეფორმირების მიმდინარეობისას თანამშრომლებით დაკომპლექტებული სამუშაო ჯგუფების პროცესში ინტეგრირებას", - ნათქვამია განცხადებაში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია