საქართველოს იუსტიციის სამინისტროს სსიპ „დანაშაულის პრევენციის ცენტრმა“  თიანეთის მუნიციპალიტეტის ახალგაზრდებისთვის პროექტი - „იდეიდან ცვლილებამდე“ - განახორციელა.

პროექტი  საქართველოში აშშ-ს საელჩოს დემოკრატიის ხელშეწყობის პროგრამის ფარგლებში დაფინანსდა. მისი მიზანი მაღალმთიან რეგიონებში მცხოვრები 14-დან 18 წლამდე ახალგაზრდებში სამოქალაქო ჩართულობისა და მოხალისეობრივი კულტურის განვითარების ხელშეწყობაა.

ორდღიანი ტრენინგის განმავლობაში პროექტის მონაწილეებმა მიიღეს ინფორმაცია საზოგადოებაში საკუთარი როლისა და აქტიური მოქალაქეობის შესახებ, იმსჯელეს თემში არსებულ საჭიროებებსა და მათი მოგვარების საშუალებებზე. მონაწილეები გაეცნენ პროექტის წერის ძირითად პრინციპებს, თემის საჭიროებიდან გამომდინარე დაწერეს საკუთარი იდეები. საუკეთესო იდეა კი პროექტის ავტორების დახმარებით განხორციელდება. ტრენინგები თიანეთის მუნიციპალიტეტის გამგეობაში ჩატარდა.

ცნობისთვის, იუსტიციის სამინისტროს სსიპ „დანაშაულის პრევენციის ცენტრი" სხვადასხვა ახალგაზრდულ პროგრამას ახორციელებს. მათი ერთ-ერთი მთავარი მიზანია მოზარდებში სამართლებრივი და სამოქალაქო ცნობიერების ამაღლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია