ევროპის საბჭოს 126-ე მინისტერიალის შემაჯამებელ სიტყვაში ევროპის საბჭოს მინისტრთა კომიტეტის თავმჯდომარემ, ბულგარეთის საგარეო საქმეთა მინისტრმა დანიელ მიტოვმა ისაუბრა საქართველოსთან დაკავშირებით ევროპის საბჭოს მიერ გაწეულ საქმიანობაზე.
 
მან განსაკუთრებით აღნიშნა  2016 წლის 4 მაისს მინისტრთა მოადგილეების კომიტეტის მიერ მიღებული გადაწყვეტილების მნიშვნელობა, რომელიც საქართველოს  ოკუპირებულ ტერიტორიებზე ადამიანის უფლებების დაცვის საკითხებს ეხება.
 
საკუთარ გამოსვლაში მან ასევე ისაუბრა საქართველოსთვის ევროპის საბჭოს 2016-2019 წლების სამოქმედო გეგმაზე და იმედი გამოთქვა, რომ საქართველო ისეთივე წარმატებით განახორციელებს სამოქმედო გეგმას, როგორც ეს 2013-2016 წლებში განახორციელა.
 
„ევროპის საბჭოს მინისტრთა კომიტეტმა შეისწავლა გენერალური მდივნის კონსოლიდირებული ანგარიში საქართველოში არსებული კონფლიქტის შესახებ და დაამტკიცა ევროპის საბჭოს ახალი სამოქმედო გეგმა 2016-2019 წლებისთვის.  აღსანიშნავია, რომ საქართველოს მთავრობამ წარმატებით განახორციელა წინა  პერიოდის სამოქმედო გეგმა და იმედი გვაქვს, რომ 2016-2019 წლების გეგმაც ასევე წარმატებით შესრულდება" - განაცხადა დანიელ მიტოვმა.
 
დოკუმენტი მოიცავს ევროპის საბჭოს მიერ 2016-2019 წლებში საქართველოში განსახორციელებელ პროექტებს, რომელთა მიზანია საქართველოს ხელისუფლებასთან თანამშრომლობა ადამიანის უფლებების დაცვის, დემოკრატიისა და კანონის უზენაესობის განმტკიცების მიმართულებით.
 
ევროპის საბჭოს 126-ე მინისტერიალი ბულგარეთში 2016 წლის 17-18 მაისს გაიმართა. მასში მონაწილეობა მიიღო საქართველოს საგარეო საქმეთა მინისტრმა მიხეილ ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია