დიასპორის საკითხებში სახელმწიფო მინისტრის, გელა დუმბაძის განცხადებით, ლევილის მამულის საქართველოსთვის გადმოცემის მიმართულებით მოლაპარაკებები დასრულებულია.

როგორც დუმბაძემ მთავრობის ადმინისტრაციაში ჟურნალისტებს განუცხადა, ქართულმა მხარემ ფრანგულ მხარეს შესთავაზა, რომ ლევილის მამულის საქართველოსთვის ნოტარიული გადმოცემის საკითხი მიმდინარე წლის 20 სექტემბრამდე დასრულდეს.

 „ლევილის საქართველოსთვის გადმოცემის მიმართულებით მოლაპარაკებები დღესდღეობით დასრულებულია. ქართულმა მხარემ, ჩვენმა ხელისუფლებამ, ყველაფერი გააკეთა, რაც მასზე იყო დამოკიდებული, რომ დღევანდელი დღისთვის მოეტანა შეთანხმების პროექტი.

პარიტეტული კომისია ფაქტობრივად თავის საქმიანობას მორჩა და დღესდღეობით ბურთი არის ფრანგული მხარის მოედანზე, როგორც იტყვიან. ჩვენ შევთავაზეთ მათ ამ განკარგულების პროექტით, რომ ლევილის მამულის საქართველოსთვის ნოტარიული გადმოცემის საკითხი დასრულდეს მიმდინარე წლის 20 სექტემბრამდე“,- განაცხადა დუმბაძემ და დასძინა,რომ მამულის ისტორიულ-კულტურული პროფილი შენარჩუნდება.

ამასთან, მინისტრის თქმით,  მათი ხედვით იქ ლევილის ქართული აკადემია მოეწყობა.

 „საქართველოს მთავრობამ გამოყო 107 ათასი ევრო მამულის დიაგნოსტიკური წინასწარი შეფასებითი სამუშაოებისათვის, ასევე დაიდო მამულის შემდგომი მოწყობის ხედვა. მოცემული ეტაპისთვის,საქართველოს ხელისუფლებამ ყველაფერი გააკეთა მამულის ღირსეული დაბრუნებისთვის“,- განაცხადა გელა დუმბაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია