საქართველოს პრეზიდენტის ადმინისტრაცია „საბას" ახალ პროექტში „ქალაქი - ბიბლიოთეკა" ჩაერთო.

პრეზიდენტის სარეზერვო ფონდი თბილისის მერიასთან ერთად აღნიშნული პროექტის თანადაფინანსებას ახორციელებს. პროექტის პარტნიორია ფონდი „ღია საზოგადოება - საქართველო".

„ქალაქი - ბიბლიოთეკა" სოციალურ - საგანმანათლებლო პროექტია, რომლის ფარგლებშიც, თბილისის ქუჩებში, სკვერებში, მეტროპოლიტენში „საბას" 300-მდე ელექტრონული ბიბლიოთეკა დამონტაჟდება, მასზე განთავსდება წიგნები, ნებისმიერი მსურველი შეძლებს მის ჩამოტვირთვას და ინტერნეტის გარეშე წაიკითხვას.

თბილისის მერიაში პროექტის პრეზენტაციას საქართველოს პრეზიდენტის ადმინისტრაციის უფროსი გიორგი აბაშიშვილი ესწრებოდა, რომელიც მიიჩნევს, რომ პროექტი წიგნიერების გავრცელებას კიდევ უფრო მეტად შეუწყობს ხელს.

„ამ პროექტში არის უამრავი საინტერესო კომპონენტი. მინდა გამოვყო მნიშვნელოვანი - ეს არის აუდიოწიგნები უსინათლოებისთვის. თუმცა ამაზეც ვმსჯელობდით ჩვენ,რომ აუდიოწიგნები არა მხოლოდ უსინათლოებს გამოადგებათ, დღეს უფრო და უფრო პოპულარული ხდება მათი მოხმარება.დღეს არც თუ ისე ხშირია ინიციატივები, როდესაც ერთმანეთს ემთხვევა კერძო სექტორის, არასამთავრობო სექტორის, მუნიციპალიტეტის, სახელმწიფო სექტორის ხედვები და ინიციატივები", - განაცხადა გიორგი აბაშიშვილმა.

მისი განცხადებით, პრეზიდენტის სარეზერვო ფონდის მხრიდან ასეთი პროექტები წახალისებულია. ეს არის მესამე პროექტი, რომელიც ამ ფორმატით კეთდება. 

"მინდა დიდი მადლობა გადავუხადო რატი ამაღლობელს ამ იდეისთვის, ასევე მადლობა მინდა გადავუხადო ბატონ დავითს და თბილისის მერიას, რომელიც მსხვილი მხარდამჭერია ამ პროექტის და ასევე ფონდს „ღია საზოგადოება- საქართველო", - განაცხადა გიორგი აბაშიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია