2016-05-14 11:33:01, 667 ნახვა
პოლიტიკა
მეჭიაური: თბილისში მივდივარ და ყრილობაზე წავალ თუ არა, გზადაგზა გადავწყვეტ
საფინანსო საბიუჯეტო კომიტეტის თავმჯდომარის თამაზ მეჭიაურის განცხადებით, მას ჯერ არ გადაუწყვეტია, დაესწრება თუ არა "ქართული ოცნების" დღევანდელ ყრილობას.
„თბილისში მივდივარ და ყრილობაზე წავალ თუ არა, გზადაგზა გადავწყვეტ ამ საკითხს. თუ რაზეა ეს დამოკიდებული, ამას ვერ მოგიყვებით. ჯერ საიდუმლოა. ჯერ ერთი, ახლა რომ გითხრათ, გამიხარდა გუშინ რომ მივიღე მხოლოდ მოსაწვევი და თანაც გაურკვეველი სტატუსით, დაიჯერებეთ?! მე რომ გითხრათ არასწორი, თქვენ ხომ პატივისცემას დაკარგავთ ჩემზე“,-განაცხადა თამაზ მეჭიაურმა.
ცნობისთვის, კოალიცია ”ქართული ოცნება-დემოკრატიული საქართველო” დღეს რიგით IV ყრილობას გამართავს. ყრილობა თბილისის სპორტის სასახლეში 16:00 საათზე დაიწყება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
