2016-05-10 14:12:47, 515 ნახვა
პოლიტიკა
მარგველაშვილი: ვისაც არ სურს ევროპული გზა, მას აქვს თავისუფლება
„ვისაც არ სურს ევროპული გზა, მას აქვს თავისუფლება - არ სურდეს ევროპული გზა“, - ამის შესახებ საქართველოს პრეზიდენტმა გიორგი მარგველაშვილმა პირველ კლასიკურ გიმნაზიაში ერთ-ერთი მოსწავლის კითხვის საპასუხოდ განაცხადა, რომლის თანახმადაც საზოგადოების გარკვეულ ნაწილს არ სურს ევროპა.
როგორც მარგველაშვილმა აღნიშნა, ყველას აქვს უფლება საკუთარი აზრი გამოხატოს.
„ვისაც არ სურს ევროპული გზა, მას აქვს თავისუფლება - არ სურდეს ევროპული გზა. არიან პოლიტიკოსები, რომლებსაც არ სურთ ევროპა. ჩემი მიზანია, რომ ის რაოდენობა და პროცენტი იმ ადამიანებისა, ვისაც სურს ევროპა, ევროპული არჩევანი გავზარდო. გავზარდო იმიტომ, რომ, დემოკრატიულ პროცესში ვაჯობო ამ შეჯიბრში მათ. ვისაც არ სურს ევროპა, სავარაუდოდ აქვს ამის არგუმენტებიც“, - აღნიშნა პრეზიდენტმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
