პრემიერ–მინისტრი გიორგი კვირიკაშვილი  საქართველოს სათხილამურო ფედერაციის წარმომადგენლებს შეხვდა. მთავრობის ადმინისტრაციის პრესსამსახურის ინფორმაციით, შეხვედრაზე სამთო–სათხილამურო კურორტების პოტენციალი და სათხილამურო სპორტის განვითარების პერსპექტივები განიხილეს. ასევე,   ხაზი გაესვა ზამთრის სპორტის განვითარების მნიშვნელობას, საქართველოში ტურიზმის ხელშეწყობისა და მთის პოტენციალის გამოყენების მიზნით.

სათხილამურო ფედერაციის პრეზიდენტმა და ვიცე–პრეზიდენტმა პრემიერ–მინისტრს ამ მიმართულებით გადასადგმელი ნაბიჯები და საკუთარი მოსაზრებები გააცნეს.

საქართველოს სათხილამურო ფედერაციის ახლადარჩეულმა ვიცე–პრეზიდენტმა, ცნობილმა სპორტულმა ჟურნალისტმა პატრიკ ლანგმა გამოთქვა სურვილი, საკუთარი გამოცდილება და მნიშვნელოვანი კონტაქტები გამოყენოს საერთაშორისო პროექტების განსახორციელებლად და საქართველოში მსოფლიო ჩემპიონატების ჩასატარებლად.

„ამჟამად მე ვარ საქართველოს სათხილამურო ფედერაციის ვიცე-პრეზიდენტი და  ჩემთვის საპატიოა, რომ შემიძლია ჩემი გამოცდილებით სარგებელი მოვუტანო საქართველოს, რათა სრულად გამოვიყენოთ  მისი უმშვენიერესი მთის რეგიონების პოტენციალი.  ჩემი აზრით, კარგი იქნებოდა ასეთი სლოგანისა და ლოგოს პოპულარიზაცია: „საქართველო - სათხილამური სპორტის ქვეყანა!"  ამ მხრივ საქართველოს  შესახებ კარგად არ არის ცნობილი, მაშინ, როდესაც  ჩვენ  გვაქვს ზამთრის სპორტისთვის კარგად განვითარებული ოთხი რეგიონი.  ჩემი სურვილია,  მთავრობასთან ერთად განვიხილოთ ბავშვებს შორის სათხილამურო და ზამთრის სხვა სპორტის სახეობების პოპულარიზაციისა და ამ მიზნით საგანამანათლებლო სამუშაოების ჩატარების გზები.  ჩვენი მიზანია ახალგაზრდების ჩართვა ამ მხრივ პოტენციალის სრულად გამოყენების პროცესში,"–განაცხადა პატრიკ ლანგმა შეხვედრის დასრულების შემდეგ.

ცნობილი ჟურნალისტი პატრიკ ლანგი არის ევროპის, იაპონიისა და ჩრდილოეთ ამერიკის ჟურნალებისა და ინტერნეტ გამოცემების  კორესპონდენტი. იგი FIS-ის მსოფლიო თასის ჩემპიონატის დამაარსებლის - სერგი ლანგის შვილია.   პატრიკ ლანგი არაერთი წიგნისა და პუბლიკაციის ავტორია.

მთავრობის ადმინისტრაციაში გამართულ შეხვედრას საქართველოს ვიცე–პრემიერი დიმიტრი ქუმსიშვილი,  მთის კურორტების  განვითარების კომპანიის ხელმძღვანელი ალექსანდრე ონოფრიშვილი, სპორტისა და ახალგაზრდობის მინისტრის მოადგილე შალვა გოგოლაძე დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია