პრაღაში, "ვიშეგრადის ოთხეულისა" და "აღმოსავლეთ პარტნიორობის" ქვეყნების საგარეო საქმეთა მინისტრების შეხვედრის ფარგლებში საქართველოს საგარეო საქმეთა მინისტრი მიხეილ ჯანელიძე ჩეხეთის რესპუბლიკის საგარეო საქმეთა მინისტრს ლუბომირ ზაორალეკს შეხვდა.

როგორც "ექსპრესნიუსს" საგარეო საქმეთა სამინისტროდან აცნობეს, მინისტრებმა ხაზგასმით აღნიშნეს ორ ქვეყანას შორის არსებული მჭიდრო მეგობრული ურთიერთობები.

ამასთან, კმაყოფილება გამოთქვეს, განსაკუთრებით ბოლო პერიოდში მაღალი დონის ვიზიტების დინამიკის ზრდასთან დაკავშირებით.

9-11 მაისს, ჩეხეთის პარლამენტის დეპუტატთა პალატის თავმჯდომარის დაგეგმილი ვიზიტი თბილისში, შეფასდა, როგორც საქართველოსადმი მხარდაჭერის კიდევ ერთი გამოხატულება.

მიხეილ ჯანელიძემ ჩეხ კოლეგას ჩეხეთის მხრიდან განვითარების სფეროში ხელშეწყობის პროგრამისფარგლებში საქართველოსთვის გაწეული მნიშვნელოვანი დახმარებისთვის მადლობა გადაუხადა.

ასევე ვიშეგრადის ფონდისდახმრების მნიშვნელობას ქვეყანაში მიმდინარე რეფორმების ეფეტური განხორციელებისთვის ხაზი გაუსვა.

უწყების ინფორმაციით, საგარეო საქმეთა მინისტრებმა ისაუბრეს საქართველოს ევროპული და ევროატლანტიკური ინტეგრაციის აქტუალურსაკითხებზე. განსაკუთრებული ყურადღება გამახვილდა საქართველოს მოქალაქეებისთვის ევროკავშირთან უვიზომიმოსვლის რეჟიმის ამოქმედების მნიშვნელობაზე. აღნიშნულთან დაკავშირებით, ჩეხეთის მხარემ დაადასტურამზადყოფნა, გააგრძელოს საქართველოს მხარდაჭერა ევროპული და ევროატლანტიკური მისწრაფებების რეალიზაციისპროცესში.

მინისტრებმა ასევე ისაუბრეს ნატო-ს ვარშავის სამიტთან დაკავშირებულ მოლოდინებზე.
შეხვედრაზე მინისტრებმა განიხილეს საქართველოს ოკუპირებულ ტერიტორიებზე არსებული ვითარება, რეგიონშიმიმდინარე პროცესები და გამოწვევები, საერთაშორისო დღის წესრიგში მდგარი აქტუალური საკითხები. ჩეხეთის მხარემკიდევ ერთხელ დააფიქსირა საკუთარი მტკიცე მხარდაჭერა საქართველოს სუვერენიტეტისა და ტერიტორიულიმთლიანობისადმი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს