ადამიანის უფლებათა დაცვის კომიტეტის თავმჯდომარის ეკა ბესელიას განცხადებით, საკონსტიტუციო ცვლილებაში ფორმულირება, რომ ქორწინება  ქალისა და მამაკაცის ერთობააა, საერთო სახალხო განხილვის დროს მოსახლეობამ მოიწონა  და მისი კომიტეტი  ცვლილებების პროექტზე ხუთშაბათს იმსჯელებს.

ბესელია დარწმუნებულია, რომ ადამიანის უფლებათა დაცვის კომიტეტი ცვლილებებს მხარს დაუჭერს და მას  უახლოეს მომავალში პარლამენტში არსებითად განიხილავენ.

ეკა ბესელია ელის, რომ   ქორწინების დეფინიციის თაობაზე, საქართველოს  მოსახლეობის უმრავლესობის მხარდაჭერილ პროექტს, პარლამენტის საკონსტიტუციო უმრავლესობა მხარს დაუჭერს.

„დასრულდა საერთო სახალხო განხილვა კონსტიტუციური ცვლილების და ჩვენი ფორმულირება, რომ ქორწინების განმარტება იყოს კონსტიტუციაში მკაფიო, რომ მეუღლეებში იგულისხმება ქალი და კაცი და რომ ქორწინება არის ქალისა და მამაკაცის ერთობა. ეს ფორმულირება მოიწონა საერთო სახალხო განხილვის დროს მოსახლეობამ და უკვე ჩვენი კომიტეტი განიხილავს, ჩვენ ხუთშაბათს ამ პროექტზე ვიმსჯელებთ. 

დარწმუნებული ვარ, კომიტეტი მხარს დაუჭერს და უკვე შევთავაზებთ პარლამენტს შემდეგ კვირას.  იმედი მაქვს  და მოლოდინიც, რომ ჩვენი მოსახლეობის უმრავლესობის მხარდაჭერილ პროექტს, ქორწინების დეფინიციის თაობაზე, მხარს დაუჭერს პარლამენტის საკონსტიტუციო უმრავლესობა. თუ ვინმე არ დაუჭერს მხარს ამ ინიციატივას, ყველა ძალიან მალე შეხვდება თავის ამომრჩეველს სულ რამდენიმე თვეში და მათ თავად უნდა უპასუხონ კითხვას, რატომ არ დაუჭირეს მხარი იმ ძალიან მნიშვნელოვან ინიციატივას, რომელიც მოსწონს ჩვენი მოსახლეობის უმრავლესობას და ჩვენი ქვეყნისთვის არის ძალიან ღირებული, იდენტობისა და ჩვენი ტრადიციების ძალიან მნიშვნელოვანი ხაზგასმა“, - განაცხადა ეკა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა