„ვერ ვხედავთ ეკონომიკურ ზრდას. პირველ რიგში, ამაზე პასუხისმგებელია მმართველი ძალა და მისი რეიტინგი ეცემა საკმაოდ სწრაფად“, - ასე გამოეხმაურა ევროპული კვლევების ცენტრის დირექტორი კახა გოგოლაშვილი IRI-ის კვლევებს.

გოგოლაშვილი მმართველი გუნდის რეიტინგის შემცირებას კოალიციის დაშლას უკავშირებს.

„ჩვენ ვხედავთ, რომ არსებობს საკმაოდ მნიშვნელოვანი პრობლემები ქვეყანაში, განსაკუთრებით ეს ეხება სოციალურ და ეკონომიკურ გარემოს, ვერ ვხედავთ ეკონომიკურ ზრდას, ასევე გაუმჯობესებას და რა თქმა უნდა ეს მოქმედებს მთლიანობაში განწყობებზე, პირველ რიგში, ამაზე პასუხისმგებელია მმართველი ძალა და მისი რეიტინგი ეცემა საკმაოდ სწრაფად," - განაცხადა კახა გოგოლაშვილმა. 

საერთაშორისო რესპუბლიკურმა ინტიტუტმა ბოლო კვლევის შედეგები გამოაქვეყნა. კვლევის თანახმად გამოკითხულთა 70 % ამბობს, რომ ქვეყანა არასწორი მიმართულებით ვითარდება, რაც არის 15 %-იანი გაუარესება გასულ წელთან შედარებით. ამასთან, 65% აცხადებს, რომ ბოლო ორი თვის განმავლობაში მათი ეკონომიური მდგომარეობა გაუარესდა. ლარის გაუფასურება, საყოფაცხოვრებო ხარჯების ზრდა და მაღალი გადასახადები დასახელდა თითოეული ოჯახის მთავარ პრობლემად.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა