აჭარის მთავრობის დელეგაცია ნიკოლაევში იმყოფება.

აჭარის მთავრობის ადმინისტრაციის პრესსამსახურის ინფორმაციით, ოფიციალური ვიზიტი 25 აპრილს რეგიონის თავმჯდომარესთან, ვადიმ მერიკოვთან და რეგიონული საბჭოს თავმჯდომარესთან ვიქტორია მოსკალენკოსთან  შეხვედრით დაიწყო.  

შეხვედრას ასევე ესწრებოდნენ აჭარის მთავრობის ადმინისტრაციის უფროსი რუსლან ქორიძე, აჭარის განათლების, კულტურისა და სპორტის მინისტრის მოადგილე ვლადიმერ მგალობლიშვილი, საქართველოს საგანგებო და სრულუფლებიანი ელჩი უკრაინაში მიხეილ უკლება, ოდესაში საქართველოს კონსული მანუჩარ წოწონავა და ვიცე-კონსული ირაკლი აბესაძე.   

"ჩვენთვის ორმხრივი ურთიერთობები მნიშვნელოვანია როგორც ეკონომიკის, ასევე სოციალურ-კუტურული მიმართულებით. წელს 15 საერთაშორისო შეხვედრა გვქონდა. 2016 წელი ინვესტიციების მოზიდვის წელია", - განაცხადა ვადიმ მერიკოვმა.

შეხვედრისას ვადიმ მარიკოვმა სტუმრებს რეგიონის სოციალურ-ეკონომიკური გარემო და სოციალურ-პოლიტიკური მდგომარეობა გააცნო. საუბრისას ყურადღება გაამახვილა დეცენტრალიზაციაზე, პოლიციის რეფორმასა და კორუფციასთან ბრძოლის საკითხებზე.

«გასულ წელს ფინანსრუმა დეცენტრალიზაციამ ძალიან კარგი შედეგი აჩვენა. ადგილობრივი გადასახადებისგან შემოსავლები და მოსაკრებლები მნიშვნელოვნად გაიზარდა. წლევანდელი წლის პირველ კვარტალში ადგილობრივი ბიუჯეტი 155%-ით შესრულდა, სახელმწიფო ბიუჯეტი კი - 136%-ით. რეფორმის წყალობით, ეს თანხები ინფრასტრუქტურის განვითარებას მოხმარდება“, - განაცხადა მან.  

არჩილ ხაბაძემ შეხვედრაზე განაცხადა, რომ აჭარაში ტურისტული სეზონი იწყება და ახალი ტურისტული დანიშნულების ობიექტების მშენებლობის დამსახურებით, რეგიონი კიდევ უფრო მიმზიდველი გახდა ტურისტებისთვის:

«ჩვენ გვსურს, რომ აჭარა ტურისტებისთვის ღია იყოს წელიწადში 12 თვის მანძილზე. წელს ტურისტების რაოდენობის 40%-ით ზრდას ველოდებით. ტურისტებს ველოდებით უკრაინიდანაც. ვიმედოვნებთ, რომ ეს წელი ფინანსურადაც ნაყოფიერი იქნება. პირველ კვარტალში ბიუჯეტის 110%-იანი შესრულება გვაქვს. ახალი ტურისტული ობიექტების გახსნა ათასობით სამუშაო ადგილს გვაძლევს", - განაცხადა არჩილ ხაბაძემ. 

შეხვედრაზე ასევე საუბარი შეეხო გამოცდილების გაზიარების მიზნით ორმხრივი ურთიერთობების სამომავლო განვითარებას.

ოფიციალური ვიზიტის ფარგლებში დაგეგმილია შეხვედრა ნიკოლაევის მერთან. დელეგაციის წევრები ქალაქის პორტებს მოინახულებენ და მონაწილეობას მიიღებენ ფორუმში „ნიკოლაევი-ბათუმი". ასევე ხელი მოეწერება თანამშრომლობის მემორანდუმს ბათუმისა და ნიკოლაევის საზღვაო პორტებს შორის.

შეგახსენებთ, რომ გასული წლის სექტემბერში ნიკოლაევის დელეგაცია აჭარაში იმყოფებოდა. შეხვედრის ფარგლებში არჩილ ხაბაძემ და ვადიმ მერიკოვმა ხელი თანამშრომლობის მემორანდუმს მოაწერეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს

აშშ-ში ტანკერ Marinera-ს ქართველ კაპიტანს 10 თვიანი პატიმრობა და დეპორტაცია მიესაჯა

ახალგაზრდული ორგანიზაციები ევროკავშირის საგარეო საქმეთა მინისტრებს ღია წერილით მიმართავენ

კობახიძე- ქართული კულტურისთვის უცხოა რუსოფობია, გარეთ პატრონები, შიგნით აგენტურა, ყველა ერთად ცდილობს, გააღვივოს ეს კამპანია ჩვენს ქვეყანაში