2016-04-23 15:40:43, 410 ნახვა
პოლიტიკა
კახა კალაძე IRI-ის კვლევებს არ ენდობა
საქართველოს ენერგეტიკის მინისტრი ვიცე-პრემიერი კახა კალაძე, საერთაშორისო რესპუბლიკური ინსტიტუტის (IRI) კვლევებს არ ენდობა.
როგორც კალაძემ აღნიშნა, ამ კომპანიების დაკვეთით კვლევის ძირითად სამუშაოებს „ნაციონალური მოძრაობის“ მხარდამჭერი ქართული ორგანიზაციები ატარებენ.
„კვლევები არის ძალიან სპეციფიური მიმართულება და მას სჭირდება ძალიან პროფესიონალი ადამიანები. თვითონ ეს ორგანიზაციები არ ახორციელებენ კვლევით სამუშაოებს ველზე, სადაც ხდება ადამიანების გამოკითხვა. ამ სამუშაოებს ასრულებენ ქართული კომპანიები, რომლებიც „ნაციონალური მოძრაობის“ მხარდამჭერი კომპანიები არიან. კვლევებს რომ არ ვენდო, ამის საფუძვლიან ეჭვს მაძლევს მათ მიერ ჩატარებული ყველა კვლევა 2012 წლიდან მოყოლებული. ცდომილებები არის 30-40%, რაც კატასტროფაა“, - განაცხადა კახა კალაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
