"კრიტიკა მისაღებია, მაგრამ ხელიც შეგვიწყეთ, დაგვეხმარეთ იმ საფუძვლის გაღრმავებაში, რომელიც ერთად გვაქვს ჩაყრილი, რათა საქართველომ შემდგომი პროცესები წარმატებით განახორციელოს",-ამის შესახებ საქართველოს პრემიერ-მინისტრმა გიორგი კვირიკაშვილმა ევროსაბჭოს საპარლამენტო სესიაზე სიტყვით გამოსვლის დასასრულს განაცხადა.

პრემიერმა ყველას-მეგობრებსა და მეტოქეებს მომავალში საამაყო გადაწყვეტილებების მიღებისკენ მოუწოდა:

"ევროსაბჭო წარმოადგენს ევროპულობის არსს და ასევე ის სოციალური კონტრაქტია, რომელიც ჩვენ გვსურს, რომ გვქონდეს. გვესმის, რომ საპარლამენტო ასამბლეა არის მნიშვნელოვანი და პარტიული ფორუმი,  სივრცე პოლიტიკის შესახებ, პოლიტიკების და რეგულაციების შესახებ, მაგრამ მინდა, მეგობრებო, და მეტოქეებო, წელს ერთი რამ გთხოვოთ, რომ გადაწყვეტილებები მიიღოთ ისეთი, რომელიც საამაყო იქნება შემდგომ და, რასაკვირველია, კრიტიკა მისაღებია, მაგრამ ასევე ხელიც შეგვიწყეთ, დაგვეხმარეთ იმ საფუძვლის გაღრმავებაში, რომელიც ერთად გვაქვს ჩაყრილი, რათა საქართველომ წარმატებით განახორციელოს შემდგომი პროცესები.

ჩვენ ვიმედოვნებთ, დემოკრატიული კონსოლიდაციისაკენ. უფრო სწრაფი ტემპით ვივლით ერთად ყველა იმ ძალების მიუხედავად, რომლებსაც სურთ  ევროპისთვის ზიანის მიყენება, ისტორიის სწორ მხარეს დავდგებით და მნიშვნელოვანია, ერთად ვიყოთ ევროპის დაცვის სადარაჯოზე. ჩვენ ვართ ევროპელები, რაც წარმოადგენს თითოეული ქართველის ღირსებას, ღირსების არსს, ევროპელობა არის ჩვენი თვითმყოფადობის საფუძველი", - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა