იუსტიციის სახლის თანამშრომლის შეურაცხყოფისთვის მოქალაქე ი.ჩ-ს,  ადმინისტრაციულ სამართალდარღვევათა კოდექსის 166  მუხლით გათვალისწინებული წვრილმანი ხულიგნობისთვის,  სასამართლომ 100 ლარიანი ჯარიმა დააკისრა.
მოქალაქე ი.ჩ იუსტიციის სახლში დღეს მას შემდეგ დააკავეს, რაც მომსახურების მისაღებად მისულმა იუსტიციის სახლის ოპერატორს  სიტყვიერი შეურაცხყოფა მიაყენა. ოპერატორმა დახმარებისთვის იუსტიციის სახლის მენეჯერს მიმართა, რომელმაც მოქალაქის დამშვიდება სცადა  და სხვა ოპერატორის მომსახურება შესთავაზა, რაზეც მან კატეგორიული უარი განაცხადა. მოგვიანებით კი, იმ მოტივით, რომ მომსახურების გაწევაზე უარს ეუბნებოდნენ,  ადგილზე საპატრულო პოლიცია გამოიძახა.  
საპატრულო პოლიციამ  მოქალაქე ი.ჩ, რომელიც აგრესიულად იქცეოდა, ადგილზე დააკავა და სასამართლოში გადაიყვანა.  პოლიციამ ახსნა-განმარტება ჩამოართვა, როგორც იუსტიციის სახლის ოპერატორს, ისე დაკავებულ პირს.
თბილისის საქალაქო სასამართლოს ადმინისტრაციულ საქმეთა კოლეგიის მოსამართლე ანა ჩხეტიამ მოისმინა, როგორც დაკავებული პირის ი.ჩ-ს, აგრეთვე საპატრულო პოლიციის ახსნა-განმარტება. მოწმის სახით დაიკითხა თბილისის იუსტიციის სახლის ოპერატორი.
სასამართლომ სამართალდამრღვევად სცნო მოქალაქე ი.ჩ საქართველოს ადმინისტრაციულ სამართალდარღვევათა კოდექსის 166-ე მუხლით გათვალისწინებული წვრილმანი ხულიგნობის ფაქტზე და ამავე მუხლით გათვალისწინებული ჯარიმის გადახდა (100 ლარის ოდენობით) დააკისრა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს