აღსრულების ეროვნულ ბიუროსა და ევროპის იურისტ სტუდენტთა ასოციაცია - საქართველოს შორის თანამშრომლობის მემორანდუმი გაფორმდა.

მემორანდუმის ფარგლებში ბიურო იღებს ვალდებულებას ელსას წევრ 20 სტუდენტს, რომლებიც საქართველოს სხვადასხვა უნივერსიტეტში იურიდიულ ფაკულტეტზე სწავლობენ, 5 დღიანი ტრენინგი ჩაუტაროს. სტუდენტები აღსრულების ეროვნულ ბიუროში ზოგად კურსს აღსრულების სამართლის თეორიულ და პრაქტიკულ საკითხებში 18-დან 22 აპრილამდე გაივლიან.

პროექტის ამოცანაა, სტუდენტებმა მიიღონ ინფორმაცია აღსრულების ეროვნული ბიუროს საქმიანობის შესახებ. სემინარის ფარგლებში ისინი გაეცნობიან საქართველოს სააღსრულებო სისტემას; აღსრულების ორგანოების სტრუქტურას, მათ სამართლებრივ სტატუსსა და კომპეტენციას; სააღსრულებო წარმოების მონაწილეებს  და მათ სამართლებრივ მდგომარეობას; აღსრულების დაწყების სამართლებრივ საფუძვლებს; აღსრულების ეტაპებს; აღსრულების შედეგებს. გაიმართება დისკუსიები და განიხილება რეალური შემთხვევები. მათ ექნებათ შესაძლებლობა პირადად დაესწრონ სააღსრულებო წარმოების გარკვეულ ეტაპებს. 

მომავალი იურისტები ასევე მოისმენენ პრეზენტაციებს იძულებითი აუქციონის, მოვალეთა რეესტრის, ელექტრონული აღსრულების, ფაქტების კონსტანტაციის შესახებ.

პროექტის მიზანია სტუდენტებში აღსრულების ეროვნული ბიუროსა და სააღსრულებო სისტემის შესახებ ცნობადობის ამაღლება; სააღსრულებო საქმიანობის შესწავლის ინტერესისა და ინიციატივის დანერგვა.  

ტრენინგებს სააღსრულებო თემატიკაზე აღსრულების ეროვნული ბიუროს თანამშრომლები გაუძღვებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა