2016-04-14 12:31:53, 402 ნახვა
პოლიტიკა
თამარ სანიკიძე: პედაგოგების საბაზო ხელფასი 50 ლარით იზრდება
2016 წლის 1 აპრილიდან პედაგოგების საბაზო ხელფასი 50 ლარით იზრდება. შესაბამისად იზრდება დანამატები საფეხურების მიხედვით, - ამის შესახებ განათლებისა და მეცნიერების მინისტრმა თამარ სანიკიძემ მთავრობის სხდომის დასრულების შემდეგ ჟურნალისტებს განუცხადა.
„პედაგოგებისთვის კარიერული სქემის ფარგლებში 1 აპრილიდან, როგორც ეს დაგეგმილი იყო, კიდევ უწევთ სახელფასო ზრდა. შესაბამისად, საბაზო ხელფასი გაიზრდება კიდევ 50 ლარით, როგორც ეს შეთანხმებული იყო, გაიზრდება დანამატები საფეხურების მიხედვით. 2012 წელს ჩვენ ჩავიბარეთ საბაზო ხელფასი, რომელიც შედგებოდა 245 ლარით, დღეს და დღევანდელი ცვლილების შედეგად, ეს საბაზო ხელფასი არის უკვე 405 ლარის ოდენობით“,-განაცხადა თამარ სანიკიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
