პროკურატურის  შუამდგომლობას  მეუღლისა და შვილის მკვლელობაში ბრალდებული მაგდა პაპიძის ადვოკატების  მიერ წარმოდგენილი  მტკიცებულებების დაუშვებლობასთან დაკავშირებით,  სხდომაზე თავად  პაპიძე გამოეხმაურა.

კერძოდ, პროკურატურის წარმომადგენლის განცხადებით, დაუშვებლად უნდა ყოფილიყო ცნობილი ბრალდებულ მაგდა პაპიძის ჯანმრთელობის მდგომარეობის ცნობა, რომელიც პაპიძის განცხადების საფუძველზე (ფიზიკურ ძალადობაზე) პენიტენციურ დაწესებულებაში ყოფნის პერიოდშია გაკეთებული, და ფოტოსურათები.

საუბარია დაცვის მხარის მიერ წარმოდგენილ შემთხვევის ადგილის პირველადი დათვალიერების ფოტოებზე, რომელზეც სისხლის ლაქა არაა აღბეჭდილი.

"სუფთად ჩამრჩა თვალებში მე სახლის დივანი. მახსოვს ყველაფერი. ახლა შეცვლილია ოთახში განლაგება, ფოტოებიდან ვიცი. დარწმუნებული ვარ, გლოვის დღეებში მეზობლები დაეხმარებოდნენ ოჯახს, მაშინ, როცა მთელმა საქართველომ იტირა ჩემი ორი მკვდარი, როგორ ვერავინ შეამჩნია კედელზე სისხლის კვალი. საუბარია, რომ  წითელ შპალერზე  თავდაპირველი დათვალიერებისას არ ჩანდა სისხლი და შემდეგ აღმოჩნდა, მე და ჩემი ქმრის გემოვნებით იყო შპალერი  შერჩეული.როგორ არ გამოჩნდა სისხლის წვეთები თუ იყო შპალერზე?!  როგორ იტირა მთელმა საქართველომ ეს ორი მკვდარი ისე, რომ სისხლი ვერავინ დაინახა?! როგორ გამოჩნდა შემდეგ?!", - განაცხადა პაპიძემ. 

მოსამართლემ ბრალდების მხარის შუამდგომლობა არ დააკმაყოფილა და ზემოთ ხსენებული მტკიცებულებები დასაშვებად ცნო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა