Reuters წერს, რომ საბერძნეთში, კუნძულ კრეტაზე მდებარე აშშ-ის საზღვაო ბაზაზე ჯაშუშურ საქმიანობაში ეჭვმიტანილი პირი დააკავეს, რომელიც საქართველოს მოქალაქეა.

Reuters წერს, რომ ეს ბაზა აღმოსავლეთ ხმელთაშუა ზღვის რეგიონში აშშ-სთვის სტრატეგიული მნიშვნელობისაა და იქ გან­თავ­სე­ბუ­ლია სა­ბერ­ძნე­თის, აშშ-ისა და NATO-ს სამ­ხედ­რო ობი­ექ­ტე­ბი. ბა­ზას ცოტა ხნის წინ, მა­რა­გე­ბის შე­სავ­სე­ბად, აშშ-ის ავი­ა­მზი­დი Gerald R. Ford ეწ­ვია, შემ­დეგ კი ის ახლო აღ­მო­სავ­ლე­თის­კენ გა­ემ­გზავ­რა.

გამოცემის ცნობით, ეჭვმიტანილი კაცი ათენის აეროპორტში ქვეყნის დაზვერვის სამსახურის მიერ მიწოდებული ინფორმაციის საფუძველზე დააკავეს.

ოფი­ცი­ა­ლუ­რი პი­რე­ბის თანახმად, სა­ბერ­ძნე­თის ხე­ლი­სუფ­ლე­ბამ საქ­მე­ზე გა­მო­ძი­ე­ბა და­ი­წყო. მა­თი­ვე ცნობით, მიმ­დი­ნა­რე­ობს მტკი­ცე­ბუ­ლე­ბე­ბის შეს­წავ­ლა.

ეჭ­ვმი­ტა­ნი­ლის ტე­ლე­ფონ­ში აშშ-ის ავი­ა­მზი­დის ფო­ტო­ე­ბი იპო­ვეს და ამჟამად ხე­ლი­სუფ­ლე­ბა მო­ბი­ლუ­რი აპ­ლი­კა­ცი­ის სა­შუ­ა­ლე­ბით ირან­ში მყოფ პირ­თან მის შესაძლო კავ­ში­რებს იძი­ებს.

­კა­ცი სა­ბერ­ძნეთ­ში გერ­მა­ნი­ი­დან 3 თე­ბერ­ვალს ჩა­ვი­და და  საზღვაო და საჰაერო ძალების ბაზასთან მდებარე სასტუმროში ცხოვრობდა. მას წაყენებულ ბრალდებებთან დაკავშირებით ჯერჯერობით კომენტარი არ გაუკეთებია.

ცნობისთვის, აღნიშნულ ბაზაზე უსაფრთხოების ზომები გამკაცრდა მას შემდეგ, რაც ისრაელმა და აშშ-მა შაბათს ირანზე იერიშები მიიტანეს.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა