საქართველოს პარლამენტის ე.წ თავმჯდომარე შალვა პაპუაშვილი გამოეხმაურა რუსეთის მიერ უკრაინის წინააღმდეგ სრულმასშტაბიანი ომის მეოთხე წლისთავს. პოლიტიკოსი წერს, რომ ამ ომმა ხანგრძლივობით მეორე მსოფლიო ომს გადააჭარბა, მაგრამ არაფრით განსხვავდება ნგრევისა და ადამიანური ტკივილის მასშტაბით.

პაპუაშვილი ციტირებს აშშ-ის პრეზიდენტ დონალდ ტრამპს, რომელმაც ადრე განაცხადა, რომ ეს არის ომი, რომელიც არასდროს უნდა დაწყებულიყო.

„დღეს რუსეთ-უკრაინის ომის დაწყებიდან ოთხი წელი შესრულდა. თავისი ხანგრძლივობით, ამ ომმა უკვე გადააჭარბა დიდ სამამულო ომს, მაგრამ ნგრევისა და ადამიანური ტკივილის თვალსაზრისით ის არაფრით განსხვავდება. ფრონტის ხაზი ისევ იქ არის, სადაც იყო 80 წლის წინ და საქართველო მის ტვირთს ისევე გრძნობს, როგორც 1940-იან წლებში.

მართლაც, როგორც დღეს აშშ-ის პრეზიდენტი ამბობს, ეს არის ომი, რომელიც არასდროს უნდა დაწყებულიყო. მაგრამ დღესაც კი ვხედავთ ძალებს, რომლებსაც სჭირდებათ და სარგებლობენ ამ ომის გაგრძელებით. „როდესაც დიდი სახელმწიფოების ინტერესები ეჯახება ერთმანეთს, ყველაზე მძიმე ფასს იხდის ქვეყანა და ხალხი, რომლის მიწაც ბრძოლის ველად გარდაიქმნება. ეს ომი რაც შეიძლება მალე უნდა დასრულდეს. მშვიდობა უნდა სუფევდეს.“ „უკრაინის სახელმწიფო უნდა გადარჩეს“, - წერს ის.

საქართველოს პარლამენტის თავმჯდომარემ ხაზგასმით აღნიშნა, რომ ახალი უსაფრთხოების არქიტექტურა უნდა ეფუძნებოდეს სუვერენიტეტისა და ეროვნული იდენტობის პატივისცემის პრინციპს.

„სწორედ ეს არის ხედვა და სული, რომელიც საქართველოს ომის პირველივე დღიდან ჰქონდა. უკიდურესად რთულ ვითარებაში ჩვენ მშვიდობის პოლიტიკას ვატარებდით, ხოლო ისინი, ვინც ომს ეძებდნენ, გარე ზეწოლითა და შიდა პროვოკაციებით ცდილობდნენ საქართველოს ომის ცეცხლოვან რგოლში ჩათრევას. თუმცა, ჩვენ მტკიცედ დავიცავით ჩვენი ეროვნული ინტერესები ოთხი წლის წინ და მტკიცედ ვიცავთ მათ დღესაც“, - წერს სპიკერი.

პაპუაშვილი ხაზს უსვამს, რომ დღეს საქართველოსთვის, როდესაც რეგიონი ახალი დაპირისპირების საფრთხის წინაშე დგას, „მდგრადობა, ერთიანობა და სუვერენული არჩევანის დაცვა არა მხოლოდ პოლიტიკური, არამედ ისტორიული აუცილებლობაცაა“.

„სამწუხაროდ, ომი კვლავ ახლოსაა და კიდევ ერთხელ ემუქრება ათასობით სიცოცხლეს. მშვიდობის ფორმულა კვლავ მიუწვდომელია. ჩვენ ვლოცულობთ მშვიდობისა და უკრაინელი ხალხისთვის. ვუსურვებთ მათ გამძლეობას და ხანგრძლივი მშვიდობის მიღწევას“, - წერს შალვა პაპუაშვილი.

ავტორი: ექსპრესნიუსი,

სოციალური ქსელები

რუმინეთის პატრიარქი დანიელი - გისურვებთ თქვენს უნეტარესობას მრავალ კურთხეულ წელს საქართველოს მართლმადიდებელი ხალხის სამსახურში

ალბანეთის წინამძღვარი - ილია II-ის ტახტზე ასვლა, თქვენს უნეტარესობას წმინდა და მძიმე მემკვიდრეობას ანდობს

აშშ-ის საელჩო: ვულოცავთ შიო III-ს პატრიარქად არჩევას, ისტორიული მოვლენაა, დამოუკიდებლობის აღდგენის შემდეგ პატრიარქის პირველი არჩევაა

CNN: ტრამპი იმედგაცრუებულია ირანთან მოლაპარაკებებით და ომის განახლებისთვის ემზადება