2026-02-06 12:26:59, 711 ნახვა

---

მედია: მოსკოვში ГРУ-ს უფროსის პირველ მოადგილეს ესროლეს, დაჭრილის მდგომარეობა მძიმეა

მოსკოვში უცნობმა თავდამსხმელმა რუსეთის არმიის გენერალური შტაბის მთავარი სადაზვერვო სამმართველოს (ГРУ) უფროსის პირველ მოადგილეს, ვლადიმირ ალექსეევს ესროლა. ამის შესახებ რუსული მედია Sota ტელეგრამ არხზე წერს.

მედიის ინფორმაციით, რუსი გენერალი გადარჩა და სროლის შემდეგ საავადმყოფოშია გადაყვანილი.

გამოცემა SHOT-ის ცნობით, ალექსეევი მძიმე მდგომარეობაშია და ექიმები მისი სიცოცხლის გადასარჩენად იბრძვიან. მედიის ინფორმაციით, სამჯერ ესროლეს, როდესაც ის 24-ე სართულზე მდებარე საკუთარი ბინიდან გამოდიოდა.

ტელეგრამ არხი Mash-ის ინფორმაციით, თავდამსხმელი ადგილიდან მიიმალა და სამართალდამცავები მას ამ დრომდე ეძებენ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი