"ჩვენ რამდენადაც ვიცით, ეს ვიზიტი ეძღვნება კონკრეტულად TRIPP-ის მარშრუტს შესაბამისად, ლოგიკურია, რომ ამ შემთხვევაში ვიზიტის ადრესატი არის სწორედ 2 ქვეყანა. კონკრეტულად ზანგეზურის თემას ეძღვნება ეს ვიზიტი ჩვენი ინფორმაციით, აქედან გამომდინარე ბუნებრივია, რომ ამერიკელი პოლიტიკოსი ჩადის აზერბაიჯანსა და სომხეთში" - ამბობს ივანიშვილის წარმომადგენელი, ირაკლი კობახიძე ჟურნალისტის შეკითხვის პასუხად, რომელიც 2026 წლის თებერვალში, აშშ-ს ვიცე-პრეზიდენტის ჯეი დი ვენსის სომხეთსა და აზერბაიჯანში დაგეგმილ ვიზიტს შეეხებოდა. 

ჟურნალისტის შეკითხვაზე "საქართველოც ხომ არის სატრანზიტო მარშრუტის ნაწილი, მაშინ რატომ არ ხვდება აშშ-სა და ვიცე-პრეზიდენტის დღის წესრიგში", კობახიძემ უპასუხა რომ "ეს მათი გადასაწყვეტია". 

"თქვენ იცით, როგორია ქართულ-ამერიკული ურთიერთობების კონტექსტი, ეს კონტექსტი არის ძალიან მძიმე, ეს კონტექსტი შექმნა ბაიდენის ადმინისტრაციამ. ვნახოთ ამ ფონზე როგორ განვითარდება მოვლენები. ჩვენ მოთმინებით ველოდებით, ჩვენ საჯაროდ გვაქვს გაკეთებული განცხადება, რომ მზად ვართ სტრატეგიული პარტნიორობის განახლებისთვის სუფთა ფურცლიდან. კონკრეტული გზამკვლევით ველოდებით მოთმინებით ამერიკული ადმინისტრაციის გადაწყვეტილებას". - განაცხადა კობახიძემ. 

ავტორი: ექსპრესნიუსი,

სოციალური ქსელები

ნატო რუსეთ-ბელორუსის საზღვარზე ხელოვნური ინტელექტით აღჭურვილი დრონების ჯგუფს განათავსებს

“რომელი ბრენდი იმსახურებს ჩემპიონს?“ - საქართველოს ბანკის ახალი კამპანია პარალიმპიელი ჩემპიონებისთვის ახალი შესაძლებლობების შესაქმნელად

sCool Card-ით სასკოლო ფორმის შეძენაზე მოსწავლეები 30%-მდე ქეშბექს მიიღებენ

"ლელო-ძლიერი საქართველო": გასული 34 წლის მანძილზე საქართველოს ტერიტორიაზე მომხდარ ყველა შეიარაღებულ კონფლიქტში ჩვენი ქვეყანა მუდამ იცავდა საკუთარ სახელმწიფო ინტერესებს