2026-01-10 12:03:42, 937 ნახვა
მსოფლიო
ირანის შაჰის მემკვიდრე ტრამპს ირანის საქმეებში ჩარევისკენ მოუწოდებს
ირანის გადაყენებული შაჰის მემკვიდრემ, რეზა ფეჰლევიმ, ქვეყანაში მიმდინარე საპროტესტო აქციების ფონზე ტრამპს „დახმარებისთვის“ მიმართა. მან ამის შესახებ განცხადება საკუთარ Facebook გვერდზე გამოაქვეყნა. ფეჰლევის თქმით, მან ირანელებს ქუჩაში გამოსვლისა და ძალოვან ძალებთან დაპირისპირებისკენ მოუწოდა. „გუშინ ღამით მათ სწორედ ეს გააკეთეს. ამ კრიმინალური რეჟიმის მიმართ თქვენმა მუქარამ მისი ბანდიტები მოქმედებისგან შეაჩერა. თუმცა, დრო უმნიშვნელოვანესია. ერთ საათში ხალხი ისევ ქუჩაში იქნება. თქვენს დახმარებას გთხოვთ“, - წერს ის.
ფეჰლევიმ ტრამპს „მშვიდობისა და სიტყვის კაცი“ უწოდა და მოუწოდა, ირანელი ხალხის მხარდასაჭერად ჩაერიოს.
ავტორი: ექსპრესნიუსი,
epn.ge (@expressnews.ge)
