ქართული ოცნების პარლამენტის დეპუტატი გია ვოლსკი რუსთაველის გამზირზე აქციაზე დაკავებულ 71 წლის აზა ჩილაჩავასთან დაკავშირებით დასმული კითხვის პასუხად ამბობს, რომ "წლოვანება დამცავი მექანიზმი არ არის".

ვოლსკის აზრით, პროევროპულ აქციებზე მყოფი აზა ჩილაჩავა "ავადმყოფურ მოსაზრებებს და გეგმებს უჭერს მხარს".

"აზა ჩილაჩავას არ აქვს იმის საფუძველი, ქუჩა გადაკეტოს. მით უმეტეს, თუ დევნილია, ზუსტად იცის, რა ბედი დააწიეს სააკაშვილის პერიოდის ხელმძღვანელებმა დევნილებს. იმ ადამიანებთან ერთად არ უნდა იდგეს, მათ ავადმყოფურ მოსაზრებებს და გეგმებს მხარს არ უნდა უჭერდეს. როცა გადაწყვეტილებას იღებ, წლოვანება გასათვალისწინებელია, მაგრამ ისიც გასათვალისწინებელია, რომ წლოვანება დამცავი მექანიზმი არ არის, რომელიც კანონის დარღვევის უფლებას გაძლევს.

ამბობთ, რომ პირველი ხომ არ გადასულა ქალბატონი აზა, ვიღაცას გაჰყვა, ეგონა, ისედაც გადაკეტილია და გავისეირნებო, ეს არ არის სწორი. მით უმეტეს, დევნილია და იცის, დევნილების მიმართ რამხელა ყურადღებაა, რამდენი ფულადი რესურსი იხარჯება, როგორ ზრუნავენ დასახლებაზე, ბინით უზრუნველყოფაზე. იცის, როგორი შეცვლილია დამოკიდებულება. მან კარგად იცის, რომ არანაირი საგარეო კურსი შეცვლილი არ არის, ისიც, რომ არჩევნები არ ჩაშლილა. მოთხოვნები აქვს, რომელთა გაჟღერება საკმაოდ კანონიერი ფორმით შეუძლია", - 1TV-ის ცნობით, თქვა მან ჟურნალისტებთან. 

აზა ჩილაჩავა ქართული ოცნების პოლიციამ 2 ნოემბერს ღამით გზის გადაკეტვის მიზეზით დააკავა. ის დროებითი დაკავების იზოლატორშია გადაყვანილი. მან მშრალი შიმშილობა დაიწყო.

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს