შენგენის ხელშეკრულების 40 წლისთავთან დაკავშირებით, "ახალგაზრდობის თანხმობის აქტის" საინიციატივო ჯგუფის ორგანიზებით, ახალგაზრდული ორგანიზაციების წარმომადგენლებმა საქართველოში ევროკავშირის წევრი ქვეყნების ელჩებთან და დიპლომატიურ წარმომადგენლებთან შეხვედრები გამართეს.

შეხვედრები მიზნად ისახავდა დიალოგის გაღრმავებას თავისუფალი გადაადგილების მნიშვნელობის შესახებ, როგორც საერთო ევროპული ღირებულებისა და სიკეთის. ახალგაზრდული ორგანიზაციების წარმომადგენლებმა ელჩებს პირადად გადასცეს წერილები, რომლებიც მიმართულია მათი ქვეყნების საგარეო საქმეთა მინისტრებისადმი. წერილებში ხაზგასმულია პატივისცემა შენგენის სივრცის მნიშვნელობისადმი, ასევე, განსაკუთრებული ყურადღება დაეთმო ვიზალიბერალიზაციის მნიშვნელობას საქართველოს მოქალაქეებისთვის, განსაკუთრებით-ახალგაზრდებისთვის. ახალგაზრდული ორგანიზაციების წარმომადგენელთა აზრით, აღნიშნული პოზიციის დაფიქსირება განსაკუთრებით მნიშვნელოვანია იმის გათვალისწინებით, რომ ევროკავშირის წევრ სახელმწიფოებს შორის მიმდინარეობს დებატები საქართველოს მოქალაქეებისთვის ვიზალიბერალიზაციის რეჟიმის შესაძლო შეჩერებასთან დაკავშირებით.

შეხვედრები გაიმართა გერმანიის, ნიდერლანდების, დანიის, ჩეხეთის, ბულგარეთის, პოლონეთის, იტალიის, საბერძნეთის რესპუბლიკის, ლატვიისა და ნორვეგიის ელჩებთან. თავის მხრივ, დიპლომატიური კორპუსის წარმომადგენლებმა დადებითად შეაფასეს ახალგაზრდების ჩართულობა და მათი ძალისხმევა.

ინიციატივაში 21 ახალგაზრდული ორგანიზაცია მონაწილეობდა.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა