„ზურაბ ჟვანიას ევროპის საბჭოში ისტორიული სიტყვებიდან 25 წლის შემდეგ, საქართველო ევროპის საბჭოდან გარიცხვის საფრთხის წინაშე დგას, ერთადერთი გამოსავალი ხელისუფლების შეცვლაა“, - განაცხადა „ნაციონალური მოძრაობის“ ერთ-ერთმა ლიდერმა, ლევან სანიკიძემ.

მისი თქმით, ევროპის საბჭოს საპარლამენტო ასამბლეის 51 წევრის განცხადება საქართველოსთან დაკავშირებით საგანგაშოა.

„ეს მართლაც კიდევ ერთი საგანგაშო განცხადებაა. და მისი მთავარი ადრესატი, რა თქმა უნდა, არის „ქართული ოცნება“ და პირადად ბიძინა ივანიშვილი, რომლებიც შეგნებულად ანადგურებენ ყველაფერს, რაც წლების განმავლობაში მიღწეული იქნა ევროპული ინტეგრაციის გზაზე. საქართველოს ევროპის საბჭოში გაწევრიანება ჭეშმარიტად ეპოქალური მოვლენა იყო. ჩვენ გვახსოვს პარლამენტის მაშინდელი თავმჯდომარის, ზურაბ ჟვანიას მიერ წარმოთქმული ლეგენდარული სიტყვები: „მე ვარ ქართველი და შესაბამისად, ევროპელი“. ეს იყო ჭეშმარიტად უზარმაზარი ნაბიჯი საქართველოს ევროპული ინტეგრაციისკენ. ახლა კი, ამ ისტორიული მომენტიდან 25 წლის შემდეგ, ჩვენ აღმოვჩნდით სიტუაციაში, სადაც განიხილება ან უფლებამოსილების შეჩერება, ან ქვეყნის ევროსაბჭოდან გარიცხვა. ეს კატასტროფაა. და ამ ყველაფრის გამოსწორების ერთადერთი გზა საქართველოში ხელისუფლების შეცვლაა. ივანიშვილმა შეგნებულად მიგვიყვანა აქამდე. და, ჩემი აზრით, მათი მთავრობის მიმართ ნებისმიერი მოთხოვნა უაზროა - პირიქით, ისინი მხოლოდ გაამწვავებენ სიტუაციას“, - თქვა სანიკიძემ.

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს