17 წლის თავზე გვაქვს უკომპრომისო ბრძოლა რეალურ რუსულ ხელისუფლებასთან - ამ ბიჭების ხსოვნის პატივსაცემად, ამ ბიჭების სულებისათვის ვალდებული ვართ, გამარჯვებამდე ვიბრძოლოთ! - ეს განცხადება „ერთიანი ნაციონალური მოძრაობის“ პოლიტსაბჭოს თავმჯდომარემ ლევან ხაბეიშვილმა მუხათგვერდის ძმათა სასაფლაოზე გააკეთა, სადაც 2008 წლის რუსეთ-საქართველოს ომში დაღუპულ მებრძოლებს პატივი მიაგო.

ხაბეიშვილის თქმით, „ამ ბიჭების სისხლმა უკვალოდ არ უნდა ჩაიაროს და საქართველო იმ ოკუპაციისგან უნდა გათავისუფლდეს, რასაც ბიძინა ივანიშვილი მის რუსულ დაჯგუფებასთან ერთად აკეთებს“.

„17 წელი გავიდა მას შემდეგ, როცა ვაჟკაცი ბიჭები ჩვენი ქვეყნის მტრებს რუსებს ეკვეთნენ და მთელი საქართველოს ოკუპაციის შესაძლებლობა არ მისცეს. სამწუხარო რეალობაა, რომ 17 წლის შემდეგ ბიძინა ივანიშვილის რეჟიმმა, პუტინთან ერთად მოახერხა და დღეს რუსულ ხელისუფლებას მთელი საქართველო აქვს ოკუპირებული.

ჩვენ 17 წლის თავზე ნათლად დავინახეთ როგორ ასამართლებს რეჟიმი გმირებს და როგორ იძახის, რომ ყველაფერი მოჩვენებითი პიარისთვის იყო. წულუკიანის ღალატის კომისიამ არა გმირების ღვაწლის დაფასებით, არამედ გენერლების გასამართლებით დაგვამახსოვრა თავი.

გენერლებს ეკითხებოდნენ: - საიდან ისროდით? რუსებს ბალისტიკურ რაკეტებს ესროდით? მე რომ უფლება მომცეთ პირდაპირ პუტინის რეზიდენციაში ჩავაგდებდი ბალისტიკურს და უარესსაც იმის გამო, რაც მან საქართველოს და საქართველოს მოქალაქეებს გაუკეთა და რასაც აკეთებს მსოფლიოში მისი ტერორისტული მოქმედებებით“, - განაცხადა ლევან ხაბეიშვილმა.

ავტორი: ექსპრესნიუსი,

სოციალური ქსელები

ერდოღანი: თურქეთის ევროკავშირში გაწევრიანება ჩვენს პრიორიტეტებს შორის არ არის

გომის მთაზე მომხდარი ავარიის საქმეზე დაკავებულ მიკროავტობუსის მძღოლს პატიმრობა შეეფარდა

სად განახორციელებს სოლიდუსი ნაყიდი საწვავის რეალიზაციას, ჩვენთან არ თანხმდება – რესპოლი

ელენე ხოშტარია: საწვავი აფხაზეთში რუსეთის დავალებით მიაწოდეს