შემოსავლების სამსახური ბათუმელების ანგარიშების დაყადაღებასთან დაკავშირებით განცხადებას ავრცელებს, სადაც წერს, რომ მზად არიან საგადასახადო შეთანხმების შემთხვევაში, ყადაღა მოხსნან.

"საზოგადოებრივი ინტერესის გათვალისწინებით, ფინანსთა სამინისტროს შემოსავლების სამსახური განმარტავს, რომ 2025 წლის 21 ივლისის მდგომარეობით მედიაპლატფორმა - ბათუმელებს უფიქსირდება აღიარებული საგადასახადო დავალიანება 282,191.97 ლარის ოდენობით.

ასევე განვმარტავთ, რომ საგადასახადო დავალიანების ანაზღაურების უზრუნველყოფის ღონისძიება (ანგარიშებზე ყადაღის დადება) ხდება ავტომატურ რეჟიმში, ელექტრონულ სისტემაში ინტეგრირებული რისკების შეფასების ინდიკატორებზე დაყრდნობით.

შემოსავლების სამსახური გამოთქვამს მზადყოფნას, რომ საგადასახადო შეთანხმების შემთხვევაში, მოუხსნას ყადაღა ბათუმელების ანგარიშებს და შესაბამისი გრაფიკის მიხედვით, მისცეს საშუალება რომ დაფაროს სახელმწიფო ბიუჯეტის წინაშე არსებული დავალიანება" - ნათქვამია შემოსავლების სამსახურის მიერ გავრცელებულ განცხადებაში. 

21 ივლისს ბათუმელებმა გაავრცელა ინფორმაციას, რომ შემოსავლების სამსახურმა მათ ანგარიშებს ინკასო დაადო. როგორც ბათუმელების მიერ გავრცელებულ განცხადებაშია აღნიშნული, ინკასოს ოფიციალური მიზეზი დავალიანებაა, მაგრამ მედია აღნიშნულს პოლიტიკურ ზეწოლასა და მზია ამაღლობელის მოახლოებულ განაჩენს უკავშირებს.

ბათუმელების ცნობით, კოდექსის შესაბამისად, მათ შემოსავლების სამსახურს ოფიციალურად მიმართეს და გრაფიკით გადახდა მოითხოვეს, რაზეც უარი ეთქვათ.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა