ზღვარგადასულია ის, რაც ხდება, თუ როგორ უსწორდებიან თვით საკანში ადამიანს, რომელიც იქ იხდის სასჯელს ,- ამის შესახებ საქართველოს მეხუთე პრეზიდენტმა, სალომე ზურაბიშვილმა განაცხადა,იგი გამოეხმაურა „თანაინვესტირების ფონდის“ ყოფილ ხელმძღვანელზე, გიორგი ბაჩიაშვილზე ციხეში თავდასხმის ფაქტს.

ქვეყანაში უკვე სუფევს სრულიად განუკითხაობა, ყველა მხრივ. ვხედავთ სასამართლოში რა ხდება და რანაირი სასამართლო არის დღეს საქართველოში, რომელიც აღარ ექვემდებარება არცერთ სტანდარტს, გარდა იმას, რომ ბოლომდე ასრულებს ძალაუფლების ყველა მითითებას. 

ამას ემატება ის, რაც დღეს გავიგეთ, თუ რა პირობები არის შექმნილი ციხეში, იმ ადამიანებისთვის, ვინც დღეს არიან მსხვერპლნი ამ ძალაუფლების, ამ რეჟიმის. გიორგი ბაჩიაშვილის სიტუაცია არის საგანგაშო. მიუღებელია, რომ ციხეში არ იყოს დაცული ის ელემენტარული ფორმები, რაც ნებისმიერ ქვეყანაში ითვლება, როგორც ოდნავ მაინც დემოკრატიის სტანდარტები, ჩვენ აქ აღარ ვართ. ზღვარგადასულია ის რაც ხდება, როგორ უსწორდებიან საკანში ადამიანს, რომელიც იქ იხდის სასჯელს და როგორ გადაჰყავთ მერე კლინიკაში, როცა უნდათ, როგორც უნდათ, გაუფრთხილებლად, ისე რომ არანაირი ახსნა-განმარტება, ან საჯაროობა ამის მიმართ არ არსებობს. 

ეს არის ადამინის ყველა უფლების დარღვევა. არ ვიცი სად არის სახალხო დამცველი, რამდენად მოახდინა რეგირება ამ ყველაფერზე, ალბათ აღარც, იმიტომ რომ ეს ინსტიტუციაც აღარ ასრულებს ბოლომდე თავის მოვალეობას. დაუცველობა არის ის, რაც სუფევს ამ ქვეყანაში. მინდა ყველას გავახსენო ის ფაქტი, რომ სწორედ ამ უსასტიკესი მოქმედებების გამო და ამ უსამართლო მოქცევის გამო ციხეებში, სწორედ ამით და ამის გამო დამთავრდა წინა რეჟიმი. ამიტომ ყველამ უნდა იცდოეს, რომ პასუხიმგებლობა ბოლომდე იქნება იმათი, ვინც არამარტო ბრძანებებს იძლევა, არამედ მათიც, ვინც ასრულებს ამ ბრძანებებს და მზად არის, რომ უსასტიკეს ქცევაში მიიღოს მონაწილეობა. 

ეს არ არის საქართველო, ეს არ არის ქართული ტრადიციები, ეს არ არის ის სამართალი, რომელსაც ჩვენ საუკუნეების მანძილზე ვაშენებდით და რომელსაც მივყვებოდით. ეს არის სხვა რეჟიმი და ეს არის უკვე სხვა ქვეყანა და ამას არ შევეგუებით არცერთ წუთს. დრო არის, რომ ფართო საზოგადოებამ დაინახოს ის რაც ხდება, სხვაგან არ იყურებოდეს, იმიტომ რომ ეს არის ის, რაც ჩვენ ყველას გვეხება დღეს და ხვალ.

ავტორი: ექსპრესნიუსი,

სოციალური ქსელები

კობა ფარტენაძის თქმით, მას ბათუმში თავს კიდევ ერთხელ დაესხნენ

შსს - დავაკავეთ 3 პირი, რომლებიც ცივი იარაღის მუქარით, ორ მოქალაქეს სხვადასხვა ბანკიდან ონლაინ სესხის აღებას აიძულებდნენ

ავტომობილის ქურდობის ბრალდებით, 2 პირი, მათ შორის, ერთი არასრულწლოვანი დააკავეს

მოსკოვის რეგიონში Wildberries-ის უდიდეს საწყობს დრონით თავდასხმის შემდეგ ცეცხლი გაუჩნდა