თეა წულუკიანი კოალიცია ,,ცვლილებებისთვის“ ლიდერს, პატიმრობაში მყოფ, ნიკა გვარამია ე.წ საგამოძიებო კომისიაზე ისევ იბარებს.

ინფორმაციას პარტია „ახალი“ სოციალურ ქსელში ავრცელებს და წერს, რომ მათი პოზიცია უცვლელია და “არც ერთ ეტაპზე არ აპირებენ მიიღონ რეჟიმის თამაშის წესები და ითანამშრომლონ ე.წ. კომისიასთან“

ივანიშვილის რეჟიმის ე.წ. პარლამენტმა დღეს რუსთავის მე-12 სასჯელაღსრულების დაწესებულებაში ე.წ. საგამოძიებო კომისიაზე გამოცხადების მოთხოვნით მეორედ მიმართა პოლიტპატიმარ ნიკა გვარამიას.

ჩვენი პოზიცია უცვლელია - არც ერთ ეტაპზე არ ვაპირებთ მივიღოთ რეჟიმის თამაშის წესები, მივანიჭოთ მცირედი ლეგიტიმაცია მაინც და ვითანამშრომლოთ ე.წ. კომისიასთან, რომელიც რეალურად ემსახურება ეროვნული ინტერესების ღალატსა და ისტორიის გადაწერას.

თანმიმდევრულობა, პრინციპულობა, შეურიგებლობა და ართანამშრომლობა, მათ შორის, არმონაწოლეობა არჩევნებად წოდებულ ფარსში, არის გზა გამარჯვებისკენ,- წერია გავრცელებულ პოსტში.

ცნობისთვის, წულუკიანის კომისიაზე პირველ ჯერზე არ მისვლის გამო, 13 ივნისს სასამართლომ ნიკა გვარამიას დაკავების გადაწყვეტილება გამოიტანა და კოალიცია "ცვლილებისთვის" ლიდერს აღკვეთის ღონისძიება გირაო- პატიმრობით შეუცვალა.  

აღნიშნულ საქმეზე დაკავებულები არიან ასევე ნიკა მელია, ზურა ჯაფარიძე და ირაკლი ოქრუაშვილი. 

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის