უკრაინისთვის Patriot სისტემები აშშ-ს არ აქვს, მაგრამ მოკავშირეებთან ვთანამშრომლობთ მიწოდებებისთვის, - ამის შესახებ აშშ-ის სახელმწიფო მდივანმა, მარკო რუბიომ სენატში მოსმენის დროს განაცხადა.

სენატორ ჯინ შაჰინის (დემოკრატიული პარტია) კითხვაზე პასუხისას, რუბიომ აღნიშნა, რომ ერთკვირიანი პაუზის გარდა აშშ-ს უკრაინისთვის უკვე დამტკიცებული სამხედრო დახმარების მიწოდებები არ შეუწყვეტია.

მისი თქმით, დახმარების ახალი პაკეტები სხვა საკითხია, რომელიც მისი გადასაწყვეტი არ არის.

„თეთრმა სახლმა უნდა გადაწყვიტოს კონგრესისთვის მიმართვა ახალ დახმარებასთან დაკავშირებით. მაგრამ ის, რაც კონგრესის მიერ დამტკიცებულია - მიეწოდებათ“, - განაცხადა რუბიომ.

საჰაერო თავდაცვის Patriot სისტემებთან დაკავშირებით სახელმწიფო მდივანმა განაცხადა: „ისინი, სიმართლე გითხრათ, არ გვაქვს, მაგრამ მჭიდროდ ვთანამშრომლობთ ჩვენს ნატოს მოკავშირეებთან“.

„არიან ნატოს მოკავშირეები, რომლებსაც აქვთ Patriot სისტემების გარკვეული რაოდენობის ბატარეები, რომლებიც შეუძლიათ მიაწოდონ ან გადასცენ უკრაინელებს, რათა დაიცვან, მაგალითად, კიევის ან სხვა ადგილების საჰაერო სივრცე. ამ მხრივ ვახალისებდით მათ [მოკავშირეებს]...“ - განაცხადა რუბიომ.

ავტორი: ექსპრესნიუსი,

სოციალური ქსელები

15-16 მაისს მოსალოდნელია დროგამოშვებით ნალექი - სააგენტოს გაფრთხილება

ახალი ამბების სააგენტო „ექსპრესნიუსის“ დაფუძნებიდან 17 წელი გავიდა - გაეცანით ჩვენს ისტორიას

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს