პირადი ცხოვრების კადრების გავრცელების საქმეზე, დაცვის მხარე საქალაქო სასამართლოს გადაწყვეტილებას გაასაჩივრებს

2016-03-16 16:15:02, 757 ნახვა

სამართალი

პირადი ცხოვრების შემცველ უკანონო ფარულ კადრებთან დაკავშირებით სასამართლოს მიერ მიღებულ გადაწყვეტილებას დაცვის მხარე ზემდგომ ინსტანციაში გაასაჩივრებს.

ბრალდებულების - ზურაბ ჯამალაშვილისა და ირაკლი ფხალაძის ადვოკატები იმედოვენებენ, რომ სააპელაციო სასამართლო თბილისის საქალაქო სასამართლოს მიერ მიღებულ გადაწყვეტილებას გააუქმებს. დაცვის მხარე ითხოვს, რომ ბრალდებულებს წინასწარი პატიმრობა არ შეეფარდოთ და ისინი გირაოს სანაცვლოდ გაათავისუფლონ.

შეგახსენებთ, თბილისის საქალაქო სასამართლოში პირადი ცხოვრების ამსახველი კადრების მოპოვება- გავრცელების საქმეზე სასამართლო სხდომა გაიმართა, რომელიც ცოტა ხნის წინ დასრულდა. ბრალდებულებს ზურაბ ჯამალაშვილსა და ირაკლი ფხალაძეს სასამართლომ აღმკვეთი ღონისძიების სახედ წინასწარი პატიმრობა შეუფარდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან