გერმანელი კანონმდებლები დღეს ქვეყნის ახალ კანცლერს აირჩევენ, რომელიც დიდი ალბათობით, ფრიდრიხ მერცი გახდება.

მედიის ინფორმაციით, მერცმა კანცლერის თანამდებობაზე დასანიშნად გერმანიის პარლამენტის 630-ადგილიან ქვედა პალატაში, ბუნდესტაგში 316 ხმა უნდა მიიღოს.

„დოიჩე ველეს“ ინფორმაციით, კენჭისყრის შემდეგ მერცი ბელვიუს სასახლეში, პრეზიდენტ ფრანკ-ვალტერ შტაინმაიერის ოფიციალურ რეზიდენციაში გაიმართება, სადაც თანამდებობაზე დანიშვნის დოკუმენტებს მიიღებს, შემდეგ კი ბუნდესტაგში დაბრუნდება ფიცის დასადებად.

ამის შემდეგ მერცი და მისი გუნდი მთავრობის პირველ სხდომას გამართავენ.

გამოცემა წერს, რომ ახალ მთავრობაში ვიცე-კანცლერისა და ფინანსთა მინისტრის პოსტს „სოციალ-დემოკრატიული პარტიის“ ლიდერი, ლარს კლინგბეილი დაიკავებს, საგარეო საქმეთა მინისტრი „ქრისტიან-დემოკრატიული კავშირის“ წევრი, იოჰან ვადეფული გახდება, რომელიც ბუნდესტაგში „ქრისტიან-დემოკრატიული კავშირის ფრაქციის“ თავმჯდომარის მოადგილეა, თანამდებობას შეინარჩუნებს თავდაცვის ამჟამინდელი მინისტრი, ბორის პისტორიუსი, შინაგან საქმეთა მინისტრის თანამდებობას ბუნდესტაგის წევრი ალექსანდრე დობრინდტი დაიკავებს, რომელიც ანგელა მერკელის კანცლერობის დროს ტრანსპორტის მინისტრი იყო, იუსტიციის მინისტრი ყოფილი მოსამართლე და პროკურორი, სტეფანი ჰუბიგი გახდება, ეკონომიკის მინისტრის თანამდებობას კი ბუნდესტაგის ყოფილი წევრი, კატერინა რაიშე დაიკავებს.

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება