კრემლის პრესმდივნის, დმიტრი პესკოვის თქმით, რუსეთისა და აშშ-ს პრეზიდენტების, ვლადიმირ პუტინისა და დონალდ ტრამპის შეხვედრა აუცილებელია. ამის შესახებ მან პრესკონფერენციაზე ისაუბრა.

პესკოვის თქმით, კრემლი რუსეთისა და აშშ-ს პრეზიდენტების შეხვედრას საჭიროდ მიიჩნევს, თუმცა, ის კარგად უნდა იყოს მომზადებული.

"ასეთი შეხვედრა აშკარად განხილვის საგანია. ბევრი მიზეზის გამო, ჩვენ მივიჩნევთ, რომ შეხვედრა, რა თქმა უნდა, აუცილებელია. ის სათანადოდ უნდა იყოს მომზადებული და ეს მოითხოვს ძალისხმევას სხვადასხვა დონეზე. ეს მოითხოვს მოსკოვსა და ვაშინგტონს შორის იმ კონტაქტების გაგრძელებას, რომლებიც დაიწყო და ახლაც გრძელდება. ჯერჯერობით ამ საკითხზე რაიმე კონკრეტული ინფორმაცია არ არსებობს". - თქვა პესკოვმა.

როგორც კრემლის პროპაგანდისტული მედია აღნიშნავს, აშშ-ს პრეზიდენტმა თქვა, რომ პუტინთან შესაძლო შეხვედრას მაისის შუა რიცხვებში, საუდის არაბეთში განიხილავს, თუმცა, პესკოვმა განმარტა, რომ უახლოეს მომავალში ახლო აღმოსავლეთში ვიზიტები დაგეგმილი არ არის.

ავტორი: ექსპრესნიუსი,

სოციალური ქსელები

რუსეთში ბენზინის დეფიციტი საწვავის კრიზისის პიკს უბრუნდება

პირადი ცხოვრების ამსახველი ფოტოები უკანონოდ მოიპოვა და გაავრცელა- კახეთში 1 პირი დააკავეს

რუსეთის იუსტიციის სამინისტრომ არაკომერციული ორგანიზაცია „ბათუმის რუსები“ არასასურველად გამოაცხადა

უხვმა ნალექმა დედაქალაქის ათივე რაიონში პრობლემები შექმნა - თბილსერვის ჯგუფი