2025-04-14 15:55:57, 692 ნახვა
პოლიტიკა
ირაკლი ოქრუაშვილი პოლიტიკოსებს მოუწოდებს, არ გადაიხადონ გირაო
თავდაცვის ყოფილი მინისტრი ირაკლი ოქრუაშვილი პოლიტიკოსებს მოუწოდებს, არ გადაიხადონ გირაო, რომელსაც სასამართლო წულუკიანის კომისიაზე გამოუცხადებლობის გამო აკისრებს.
"დიდხანს არ მოგვიწევს, წლამდე მუხლია და ერთხელ ღირს გამოიჩინოთ გამბედაობა, იმ ფონზე მაინც, ათობით ახალგაზრდა როდესაც ციხეში ზის 5-6 წლიანი მუხლებით. არგუმენტი, რომ ხაზარაძე-ჯაფარიძემ უკვე გადაიხადეს არ მიიღება, მაგათგან სხვა რამეს არც არავინ ელოდა. მოკლედ, მე მზად ვარ თუ სხვა ვინმეც გაბედავთ. ნუ იქნებით ნახევრად გახარიები“, — წერს ოქრუაშვილი.
თავად ოქრუაშვილს კომისიაზე გამოუცხადებლობის საქმეზე აღკვეთის ღონისძიების სახით 20 000-ლარიანი გირაო აქვს შეფარდებული და საქმის წარმოების დასრულებამდე საქართველოს საზღვრის კვეთა ეკრძალება.
ავტორი: ექსპრესნიუსი,
epn.ge (@expressnews.ge)
