მიმდინარე წლის 14 მარტს, 12 საათზე, სასტუმრო „ROOMS“ -ში თბილისის ახალგაზრდა ლიდერთა ფორუმი 2016 გაიხსნება. ღონისძიება არის რიგით მეორე საერთაშორისო ლიდერთა ფორუმი, რომლის ორგანიზებაც ხორციელდება „საქართველოს სტრატეგიული კვლევების ინსტიტუტის“ (GISS) მიერ შვედეთის საგარეო საქმეთა სამინისტროს ფინანსური მხარდაჭერით.

ფორუმის ფარგლებეში აღმოსავლეთ პარტნიორობისა (საქართველო, უკრაინა, აზერბაიჯანი, მოლდოვა, სომხეთი, ბელარუსი) და ევროპის (პოლონეთი, ლიტვა, ესტონეთი, შვედეთი) ქვეყნების ახალგაზრდა ლიდერებს უმასპინძლებს, რომლებიც წარმოადგენენ აღნიშნული ქვეყნების სამთავრობო უწყებებს, არასამთავრობო სექტორსა, კვლევით და საერთაშორისო ორგანიზაციებს.

სამდღიანი ფორუმის განმავლობაში ახალგაზრდა ლიდერებს საშუალება ექნებათ გაეცნონ საქართველოს მიერ განვლილ ტრანსფორმაციულ პროცესებს, დაამყარონ მნიშვნელოვანი კონტაქტები და ერთამნეთს გაუზიარონ სამომავლო გეგმები. აღნიშნული ფორუმი ხელს შეუწყობს მხარეთა შორის ევროინტეგრაციასთან დაკავშირებული საკითხებისა და ტრანსფორმაციული პროცესების შესახებ გამოცდილების გაზიარებასა და თანამშრომლობის გაღრმავებას. ასევე, ფორუმში მონაწილეობას მიიღებენ საქართველოსა და სხვა ქვეყნების მთავრობების, არასამთავრობო სექტორისა და დიპლომატიური მისიების წარმომადგენლები.

17 აპრილს, ფორუმის მეორე ეტაპზე მონაწილეები გაემგზავრებიან შვედეთში, ქალაქ სტოქჰოლმში. ვიზიტის განმავლობაში შეხვედრები დაგეგმილია შვედეთის საგარეო საქმეთა სამინისტროში, სხვადასხვა სამთავრობო და არასამთავრობო ინსტიტუტებში. მონაწილეებს საშუალება ექნებათ შეხვდნენ ადგილობრივ პოლიტიკოსებს, ისაუბრონ შვედეთის რეფორმებზე, საგარეო ურთიერთობებსა თუ შიდა პოლიტიკურ საკითხებზე.

„საქართველოს სტრატეგიული კვლევების ინსტიტუტი“ (GISS) კვლევითი ორგანინზაციაა (Think Tank), რომლის მიზანია უსაფრთხოების, კონფლიქტის, საგარეო ურთიერთობების, რეგიონალური პოლიტიკის საკითხების ანალიზი და ახალგაზრდა ლიდერების განვითარებაზე გათვლილი პროექტების განხორციელება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პრემიერი მზადაა ოკუპირებულ აფხაზეთში ბენზინი შეიტანოს და რუსებს ამით დაეხმაროს

აშშ-ში ტანკერ Marinera-ს ქართველ კაპიტანს 10 თვიანი პატიმრობა და დეპორტაცია მიესაჯა

ახალგაზრდული ორგანიზაციები ევროკავშირის საგარეო საქმეთა მინისტრებს ღია წერილით მიმართავენ

კობახიძე- ქართული კულტურისთვის უცხოა რუსოფობია, გარეთ პატრონები, შიგნით აგენტურა, ყველა ერთად ცდილობს, გააღვივოს ეს კამპანია ჩვენს ქვეყანაში