ვითომ საგამოძიებო კომისია არის ბოროტი პოლიტიკური ცირკი. ჯერ საკუთარ თავს დაარქვეს პარლამენტი და ახლა ამ პარლამენტმა რაღაცა შექმნა და დაარქვა საგამოძიებო კომისია. ეს არის ჩვეულებრივად ქვეყნის წინააღმდეგ მიმართული ქმედებები, - ამის შესახებ “ძლიერი საქართველოს” წევრმა ლევან სამუშიამ ჟურნალისტებს სასამართლოში განუცხადა.

სამუშიამ „ძლიერი საქართველოს“ იურისტისა და ოფისის მენეჯერის გამოკითხვის შესახებ ისაუბრა, რომლებიც სასამართლოში, მაგისტრი მოსამართლის თანდასწრებით ამ წუთებში იკითხებიან.

„რაც შეეხება დღევანდელ სიტუაციას, ეს არის ამ ცირკის გაგრძელება, მორიგი სერია. ჩვენი პარტიის თანამშრომლებს, იურისტს რატომ იბარებენ გაურკვეველია და მათი გაგებით, მიმდინარეობს ამ ადამიანების დაშინება. არავის არაფრის ეშინია. ყველამ ყველაფერი ღიად თქვა. მამუკა ხაზარაძემ ღიად დააფიქსირა თავისი პოზიცია და მათი განცხადებით, ისინი ამ ბოროტ პოლიტიკურ ცირკში, რასაც ე.წ. საგამოძიებო კომისია ჰქვია, მონაწილეობას არ აპირებენ. ნებისმიერ დროს, ნებისმიერ ფორმატში, თუნდაც ამ მართული სასამართლოს პირობებში მზად არიან ნებისმიერ კითხვას პასუხი გასცენ”, - განაცხადა ლევან სამუშიამ და აღნიშნა, რომ ხელისუფლება “უნიჭო სანახაობას დგამს, რომელიც ქვეყნის წინააღმდეგაა მიმართული”.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე