სალომე ზურაბიშვილი ბალტიისპირეთის ქვეყნებს მოუწოდებს, საქართველოს მიმართ შეტევა განაგრძონ და უფრო აგრესიული პოლიტიკა განახორციელონ, – ამის შესახებ პარლამენტის ევროინტეგრაციის კომიტეტის თავმჯდომარე ლევან მახაშვილმა განაცხადა.

მისივე თქმით, სალომე ზურაბიშვილი ტყუილს აბრალებს ქვეყანას.

„კონკრეტულ ქვეყნებში რიგითი მოქალაქეების ვიზიტი საინტერესო არ არის, მაგრამ შეფასებების გარეშე იმ განცხადებებს ვერ დავტოვებთ, რაც სალომე ზურაბიშვილმა გააკეთა. ის ისევ ტყუილს აბრალებს ქვეყანას. ყველაზე საგანგაშო ის არის, რომ ამ ქვეყნებს მოუწოდებს, საქართველოს მიმართ შეტევა განაგრძონ და უფრო აგრესიული პოლიტიკა განახორციელონ. მინდა, განვმარტო, საქართველოს მიმართ უფრო აგრესიული პოლიტიკა რას ნიშნავს – ეს ცარიელი სიტყვები არ არის. პრაქტიკაში ეს გადაითარგმნება იმაში, რომ საქართველო გეოპოლიტიკური თამაშების კიდევ ერთ ცხელ წერტილად გადაიქცეს. ეს არის, რასაც ეს ადამიანი ბალტიისპირეთის ქვეყნებისგან ითხოვს. მისი მიზანი თუ ეს არის, უკვე ნათელია, რომ არა მხოლოდ შეფარულად, არამედ გაცხადებულად ითხოვს ამ ყველაფერს ამ ქვეყნებისგან“, – განაცხადა ლევან მახაშვილმა.

ავტორი: ექსპრესნიუსი,

სოციალური ქსელები

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს

"მცირე ბიზნესის ჯაჭვი" რეგიონებში ფართოვდება - პროექტს აჭარის ბიზნესებიც შეუერთდნენ

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით