2025-03-21 10:26:22, 483 ნახვა
პოლიტიკა
ჯიმ რიში - ქართველ ხალხს ოქტომბერში ექნება საშუალება, მოიშოროს არამზადები
სენატორმა ჯიმ რიშმა აშშ-ის სენატის საგარეო საქმეთა კომიტეტის მოსმენაზე საქართველოს შესახებ ისაუბრა და ,,ქართული ოცნების" ხელისუფლება "არამზადებად" მოიხსენია - ამის შესახებ ინფორმაციას TV პირველი ავრცელებს.
მათივე ცნობით, რიშმა აღნიშნა, რომ საქართველოში დემოკრატიის უკუსვლაა და „როგორც ჩანს, არის რუსული რეპრესიების მხარდამჭერი მნიშვნელოვანი მოძრაობა“.
„იმედს მაძლევთ, როცა მეუბნებით, რომ უმრავლესობას სწორი რამის გაკეთება სურს. [..] თუ რასაც თქვენ ქართველ ხალხსა და მის სურვილებზე ამბობთ, სიმართლეა, ოქტომბერში ექნებათ საშუალება, მოიშორონ არამზადები და მოიპოვონ თავიანთი მომავლის კონტროლი. ვილოცებთ თქვენთვის“, – განაცხადა სენატორმა ჯიმ რიშმა.
ავტორი: ექსპრესნიუსი,
epn.ge (@expressnews.ge)
