„რასაც დათესავ, იმას მოიმკი“ - ივანიშვილი 11 წელი ჩაჯდება [ციხეში], - ამის შესახებ ოპოზიციონერმა პოლიტიკოსმა, გიგი უგულავამ ჟურნალისტებთან განაცხადა.

აღნიშნულით მან მოსამართლე ბადრი კოჭლამაზაშვილის გადაწყვეტილება შეაფასა, რომელმაც დიდი ოდენობით საბიუჯეტო თანხების გაფლანგვის საქმეზე ექსპრეზიდენტ მიხეილ სააკაშვილს 9 წლით თავისუფლების აღკვეთა მიუსაჯა.

როგორც უგულავამ აღნიშნა, ,„ქართული ოცნების“ ყველა მინისტრი იქნება დაპატიმრებული იმ სტანდარტით, რაც ივანიშვილმა შექმნა.

„ივანიშვილმა შექმნა სტანდარტი, ამ სტანდარტის მიხედვით, პროკურატურას დიდი ძალისხმევა არ დასჭირდება, „ქართული ოცნების“ ყველა მინისტრი იქნება დაპატიმრებული იმ სტანდარტით, რაც ივანიშვილმა შექმნა. „ქართული ოცნების“ ყველა მერი და გამგებელი დაკავებული იქნება იმ სტანდარტით, რაც მან შექმნა. სააკაშვილს, ისე როგორც თითოეულ ჩვენგანს, რას ედავებიან? - არცერთი საქმე არ არის, როდესაც სახლში რაიმეს წაღებას გვედავებიან. მაშინ, როდესაც ვხედავთ „ქართული ოცნების“ მერებს და გამგებლებს, რომლებიც არა მარტო მკვდარ სულებს და პარტ აქტივებს ასაქმებენ, არა მარტო ფლანგავენ, არამედ პირდაპირ იპარავენ. ვსაუბრობთ ხელისუფლებაზე, რომელმაც საკუთარ ცოლს ბაკურიანის ტყე აჩუქა, ვსაუბრობთ დასანქცირებულ მოსამართლეებზე, რომელთანაც სამართალი არაფერ შუაშია. ეს არის პოლიტიკური დაკვეთა.

„პიჯაკების საქმეზე“ მოსახლეობამ ჩაიხედა რა აბსურდზე ასამართლებენ. რასაც დათესავ, იმას მოიმკი. ივანიშვილი მაგ სტანდარტით 11 წელი ჩაჯდება, როგორც კი 2013 წლის ხარჯები გასაჯაროვდება, რომელსაც არ ასაჯაროებენ. პრემიერი ღარიბაშვილი მაგ სტანდარტით 10 წელი ციხეში ჩაჯდება. არაფერი არ არის იქ განსხვავებული, რასაც არ აკეთებდა პრემიერობისას ივანიშვილი, ღარიბაშვილი და დანარჩენი პატიოსანი გვამები, რომლებიც „ქართულ ოცნებას“ ემსახურებიან“, - აღნიშნა უგულავამ.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია